في مكان مجهول
قالت بقهر: أنا لازم أروح له، هذي مو حاله اللي أنا عايشة فيها.. مصاريف وإيجار فوق راسي وتعبانه نفسياً ومو طايقه عيشتي! وهو هناك في ذاك القصر عايش منعم ومرتاح!
أمها: طيب وش بتسوي انتي؟
قالت وهي مركزة عيونها على شيء بحقد: أول شيء بسويه يا يمه هو....
العصر
: مهند أنا أبي أتزوجها
مهند بهدوء: طيب أنا وش أسوي لك يعني؟ أرقص لك؟
فؤاد بقهر: ترا مزحك الثقيل كلش مو وقته!
مهند بجديه: أقول احترم نفسك دامك في بيتي وإلا ترا بطردك!
فؤاد يغير السالفة: طيب وش قلت؟
مهند يحط رجل على رجل ويقول باستغراب: ووش تبيني أقلك يعني؟
فؤاد عصب: انت مو فاهم قصدي يعني؟ أنا أبي أتزوج أسيل وجيت أشاورك في هالموضوع قبل لا أقول لأبوي
مهند يناظر الحديقة بلا مبالاة: أقول روح قل لأبوك وتزوجها وخلصت السالفة! ترا كلامك معي ما ينفع!
فؤاد يحط رجل على رجل: يااا خي أنت من جدك؟ أنت على طول كذا يتلوم اللي يجي يأخذ بمشورتك في شيء!
مهند يرفع حاجبه: أولاً لأن هذي السالفة ما تعني لي شيء ولا هي من اهتماماتي وبعدين هذا أبوي داخل رح قله وخلاص يعني أنا مستغرب وش له تجي تقولي أنا؟
فؤاد: أنت أخوي الكبير ولازم أقولك
مهند فتح جواله وقال: تبي قهوة تركية؟
فؤاد تنهد بقهر وقال: يا مبردك والله
مهند حط جواله على اذنه وقال بثقة: صوفيا جيبي فنجانين قهوة تركية في الحديقة بسرعة (ونزل الجوال وناظر أخوه)
فؤاد يناظره بنص عين: وشلون أحوالك مع المدام؟
مهند يهز راسه بشويش: لا لا الحمد لله بخير لا تحاتي
فؤاد يمسك جواله ومفتاح سيارته: أنا بروح أقول لأبوي هاا
يوقفه أخوه الكبير: لا خلك..
فؤاد: ليه؟
مهند بهدوء: لا تستعجل تو بتجي القهوة اشرب وبعدها روح
فؤاد بهدوء: أوكيـــــه.. ليش أستعجل يعني وش ورانا؟
في بيت مرام & فواز
فواز: مرام سوي لي قهوة بروح المجلس عندي مكالمة ضرورية
مرام تبتسم: من عيووني (وراحت المطبخ)
فواز طلع جواله وراح المجلس..
حط جواله على اذنه وقال: هلا عمي... الحمد لله بخير أنت وشلونك؟
أنت تقرأ
رواية حط يدك بيدي • مكتملة •
Teen Fictionتوفي والداها وهي في عمر صغير فاضطرت لترك الدراسة والعناية بأخوانها الأربعة والعمل من أجلهم لتوفير الحياة الكريمة.. عملت كخادمة في قصر كبير وفي يوم اكتشفت بأن صاحب القصر المغرور يكون ابن عمها وهي مضطرة للزواج به لانقاذ العائلة.. فكيف ستسير الأحداث؟...
