سديم ببرود: صار سوء فهم مرره كبير!
معاذ أشاح وجهه عنها على الجانب الثاني وقال: اطلعي برا لو سمحتي!
سديم جرحها من شافته ما يبي يناظر بوجهها بس مسكت نفسها وقالت: معاذ أنا أحبك وأنت تعرف هالشيء!
معاذ ببرود: بعد كل اللي سويتيه أمس.. جايه تبررين وتشرحين مع انه كل شيء كان واضح! (وناظرها) ومن زود الوقاحة جايه لغرفتي!
سديم نزلت دموعها وقالت بنبرة فيها رجفة: أنا كنت مفكرة أنك مستحيل تصدق اللي صار أمس!
معاذ يوقف من على السرير ويقول بانفعال: ومين قالك اني صدقت أصلاً؟ اللي صار كابوس بالنسبة لي! إذا ما تبيني ليه تسوين كل هذا؟ على الأقل كنتي رافضتني من البداية وخلاص! بلاش تكذبين وتمثلين يا سديم!
سديم بعصبية: ومين قالك اني مثلت عليك وإلا كذبت؟ (وبضعف) أنا حبيتك من أول يوم شفتك فيه! وربي دخلت قلبي، والله اني وافقت بإرادتي ولأني كنت أشوف انك الشخص الوحيد اللي أقدر أكمل حياتي معاه واللي رح ينسيني اللي عشته من ضيم وظلم وعذاب! (وبقوة) بس أنا ما انحشت! ولا أرسلت ذيك الرسالة!
معاذ يلف وجهه عنها ويقول بقوة: خلاااص لا تألفين قصة من عندك لأني مو مستعد أسمع!
سديم ودموعها تنزل: أنا انخـط..
قاطعها معاذ بصراخ: خــــــــــــلاص!
سديم انتفضت من صرخته وناظرته بخوف!
معاذ يصارخ بوحشية: أنا خلاص.. طلعتك من قلبي! وما أبي منك لا تبريرات ولا شيء! (وبلع ريقه وقال) انتي طــــــــــــالـــــــــــــق!!!!!!!!
سديم رمشت بصدمه وهي تتراجع على وراء وهالكلمة اللي سمعتها مو مصدقتها!!! مو مصدقة انها خلاص تطلقت! ما عاد يبيك يا سديم! ما يبيك تقولين الحقيقة ولا تدافعين عن نفسك! ما يبي يسمع منك.. خلاص قالك انتي طالق! روحي يا سديم واعطيه ظهرك واطلعي من غرفته وبيته وحياته كلها!!!! انتو ما بينكم نصيب خلاص! > هذا الكلام اللي كانت تردده سديم بداخلها!
طلعت من الغرفة مسرعه وسكرت الباب بقوة..
نزلت الدرجات وطلعت من البيت بدون لا تناظر أحد ولا حتى تكلم أحد!
تحاول تمسك عبراتها ودموعها اللي رح تنزل بأي وقت!
وقفت برا البيت وقامت تبكي بقووة! انفجرت بكاء وهي تشاهق وحاطه ايدها على قلبها وتبكي لأنها حاسه انها مظلومة، مقهورة، مكسورة، حزينة، مجروحة!
ما دريــــت ان صافــــــي الأيــــام شـــــان
ليـــن شفـــت العمــر غــارق فــي بحرنــا
ماتـــت الأحـــلام مـــن قاســـي الزمــــان
والليالــــي قالـــــت ان هـــــــذا قدرنـــــــا
أنت تقرأ
رواية حط يدك بيدي • مكتملة •
Teen Fictionتوفي والداها وهي في عمر صغير فاضطرت لترك الدراسة والعناية بأخوانها الأربعة والعمل من أجلهم لتوفير الحياة الكريمة.. عملت كخادمة في قصر كبير وفي يوم اكتشفت بأن صاحب القصر المغرور يكون ابن عمها وهي مضطرة للزواج به لانقاذ العائلة.. فكيف ستسير الأحداث؟...
