رواية حط يدك بيدي • مكتملة •

الفصل الثامن والأربعون

مرام بألم: ليه تعذبني بهالطريقة؟؟

فواز: أنا ما سويت شيء! انتي وأخوك البادين!

وراح عنها..

مرام قامت تبكي وطلعت من البيت...

فتون كانت تراقب اللي صار من بلكونة غرفتها وهي مربعه ايدينها ومتضايقة: هالمنتفة وش جابها هنا؟؟ يا ترى وش قالت لفواااز؟؟

في جهة ثانية

فتحت الباب بشويش وناظرت أختها اللي كانت منسدحة على السرير وعيونها للسقف بدون حراك!

راحت لها وقالت بهدوء: سديم..

سديم طالعتها ببرود: هلا أسيل..

أسيل توقف جنب السرير: سلامات

سديم تجلس بتثاقل: الله يسلم عمرك

أسيل جلست على طرف السرير وقالت بتفحص: سديم انتي فيك شيء يقولوا تعبانه؟!

سديم: لا ما فيني شيء..

أسيل هزت راسها بشويش: أنا بعد مثلك مصدومه من اللي سواه محمد.. ما توقعتها منه أبد

سديم بخوف: مو خايفه إلا على فيصل.. ما أبيه يموت أسيل

أسيل: أكيد لن مات ب يحكموا بالقصاص لمحمد!!!

سديم ببرود: ما يهمني! اللي يهمني أهل فيصل كيف بتكون حالتهم...

أسيل وهي تشتت أنظارها للغرفة بتوتر: الله يستر..

في المحكمة

القاضي: صح انك تهجمت على بيت السيد فواز يا وليد؟؟؟

وليد بلع ريقه وقال: إيه صح

أبو مرام كان حاضر وجالس بين اللي حاضرين..

القاضي: عطني الأسباب اللي دفعتك عشان تسوي الشيء هذا؟

وليد بقهر: أسباب عائلية خاصة مقدر أقولك ياها!!

القاضي: متأكد انك ما تبي تقولها؟ مع انها يمكن تنجيك من الحكم!!!

فواز ناظر وليد بهدوء.. يرد وليد بحزم: متأكد..

القاضي: المحكمة بتحكم على وليد بغرامة مالية قدرها 70 ألف ريال بالإضافة إلى السجن لمدة سنة كاملة!!!!

أبو مرام غمض عيونه بألم على ولده!

وليد نزل راسه وهو يسب نفسه على الحماقة اللي ارتكبها ووصلته لهالمكان!!

القاضي: بس الحكم رح يبطل إذا السيد فواز رفضه! الحين نسأل السيد فواز الفايز..

فواز ناظر القاضي بهدوء..

القاضي: نحكم على وليد بالحكم اللي قلته أو نعفيه منه؟؟؟؟؟

وليد شد على قبضته بألم وقهر.. ينتظر كلام فواز اللي بيحدد مصيره المحتوم!