رواية حط يدك بيدي • مكتملة •

الفصل الخامس

المديرة تنهدت وقالت : للأسف درجاتها مره نازلة في كل المواد تقريباً !

سديم كشرت : و شلون ؟

المديرة : يعني اختك مستواها ضعيف و تحتاج إلى اهتمام و أحد يساعدها عشان يرتفع مستواها

سديم بلعت ريقها و نزلت عيونها للأرض بقلة حيله : ..

المديرة : في اختبار الكيمياء جابت واحد من عشرة و كذلك اختبار الرياضيات جايبه صفر !!! أنا أشوف ان مستواها لازم يتعدل .

سديم فيها غم من درجات أختها : طيب هذي هي درجاتها خلاص ؟

المديرة : إي .. بس اذا انتي عندك أي استفسار فيك تقولي لي و أنا مستعدة أخدمك باللي أقدر عليه

سديم و هي توقف و تحاول تبتسم : لا مشكورة أستاذة يعطيك العافية .

المديرة : الله يعافيك

سديم : عن اذنك

في المستشفى

أسيل كانت واقفة مع مجموعة بنات من نفس كلاسها في ممر المستشفى

أسيل و هي تتنطط : واااي مرره متحمسة يا رهووف اليوم هو أول يوم تدريب لنا

رهف تضربها : لا تتنططي و تفضحينا حسبي الله على ابليسك

أسيل بابتسامة : مو قادرة أمسك نفسي يا رورو مرره فرحانه

رهف : هههههه

و جاهم واحد من الأطباء اللي هناك : لو سمحتوا انتو بنات الجامعة اللي جايين عشان التدريب ؟؟

البنات : إي

كان ((( فؤاد ))) قام يطالعهم وحدة وحدة و قال : انتو عددكم ثمانية .. طيب أنا اسمي الدكتور فؤاد ال.... دكتور جراحة عندي خبرة خمس سنوات !

أسيل تهمس لرهف : وييع شكله مغرور لا و بعد يقول خمس سنوات خبرة هه يتفشر !

رهف ضربتها و همست : لا تتكلمي لا يسمعك يا الغبية !

أسيل سكتت و قامت تطالع فيه ببراءة

فؤاد : طبعاً اليوم بيكون أول يوم تدريب لكم و لازم تشوفون الجثث !! في هذي الغرفة اللي هناك يوجد جثث لناس ماتوا .. و انتو لازم تشوفونهم و تتفحصونهم زين مفهوم ؟

البنات : مفهوم

فؤاد بجديه : اللي تخاف و ما تقدر تطلع من دراسة الطب !!!

أسيل و رهف بلعوا ريقهم و طالعوا بعض ..

فؤاد : أول درس بيكون عن الجثث و لازم تجون معي

و مشى و البنات وراه يتهامسون

فتح باب غرفة و قال و هو يطالعهم : ما شيء مكان للي يخافون هنا ! اللي تخاف تنسحب من الآن و كلامي واضح !

و دخل و البنات وراه .. طبعاً قام يشرح لهم عن الجثث و كذا .. بعض البنات قاموا يصرخون و اللي خايفه و اللي ترجع على وراء بسرعة .!!