رواية حط يدك بيدي • مكتملة •

الفصل السادس والعشرون

مرام راحت وجابت طرحتها وطلعت وراه تركض في الظلمة: والله أروح معك ما شيء، أنا أخاف لحالي وش فيك؟!

والعامل يركض قدامهم وفواز يركض وراه ومرام تمشي بسرعة وخوف: فوااز.. فواز شوي شووي مقدر أركض ظلام!

فواز بقهر: قلت لك لا تجين!!!

مرام تناظر الأشجار اللي تتحرك في الظلمة من حولها: يممممه (وركضت وراهم)

وصلوا درس (حظيرة) الغنم..!

مرام تسكر أنفها: يممه الريحة تسد النفس!

شافت فواز يصارخ على العمال: بسرررعة جيبوا مووية!

مرام واقفة من بعيد: فوااز وش صاير؟؟

فواز يمسك وحدة من العنزات: فيه عنز تعثرت ولادتها!

مرام حطت ايدها على فمها بخوف: يممه!

فواز حاول يساعد العنز عشان تولد هو والعمال اللي معه، لأنها خلاص كانت بين الحياة والموت!!

بعد ربع ساعة..

الحمد لله تمت العملية بنجاح.. العنز كانت منسدحه وولدها الصغير جنبها!

كل العمال قاموا يشكرون فواز ويهنونه على هالشيء اللي سواه. شي مره حلوو لما تساعد حيوان ضعيف! والأجر من الله سبحانه يكون عظيم!

فواز طلع من ذاك المكان ووراه تمشي مرام وقلبها منفطر على العنزة المسكينة..

فواز بهدوء: الحمد لله ولدت بنجاح

مرام بلعت ريقها وقالت: حتى الحيوانات يتألمون مو بس الناس!

فواز يناظرها: ما هي مخلوقات زينا؟!

مرام تناظره: تدري انك كبرت بعيني؟

فواز يبتسم: صدق؟

مرام مو حاسه بنفسها: إيه!

فواز يناظر قدام وابتسامته شاقه وجهه: زين والله

مرام ترجع لطبيعتها: إيه بس لازم من نوصل تأخذ شور لأنو ريحتك مرره تقرف!

فواز ضحك بخفه على كلام مرام! رغم انها عنيدة ومتذمرة إلا انه أعجب فيها!!! يحس ان شخصيتها قوية وهذا الشيء اللي حببه فيها!

**فــــي يـــــــوم زواج ســـــديــــــــم & مـــــهــــــنـــــد **

في أفخم قصر بالرياض

في قاعة العرس

مع الحريم

أسيل وغلا وسارة كانوا منسقين ولابسين فساتين طويلة وضاغطة لونها وردي! وطالعين كيااااته على كياااته!

أسيل كانت تسلم على الحريم والبنات اللي يدخلون القاعة

القاعة كانت فخممة لأبعد حدود! كانت واااسعة مرره وكبيرة، فيها طاولات مستديرة عليها مفارش باللون البنفسجي! عليها أطباق فخمة مرتبة ومناديل وملاعق وكل معدات الطعام، وفي منتصفها باقة ورد باللون البنفسجي والأبيضَ! كان التنسيق يهببل!!!!