အူဝဲ အူဝဲ အူဝဲ
ညနှစ်နာရီအချိန် ကလေးနှစ်ယောက်ကျယ်လောင်စွာ ငိုကြွေးနေ၏။အမရာနှင့်အလိမ္မာတို့ချက်ချင်းအိပ်ယာပေါ်မှထကာ တစ်ယောက်စီပွေ့ကာချီယူပြီး ကျောအားပွတ်သပ်ပေးနေကြသည်။မှုံနသာလည်းချက်ချင်းပင် အခန်းတံခါးဖွင့်ကာရောက်လာ၏
"ဘာဖြစ်တာလဲသားသားနဲ့မီးမီးငိုနေတာလား"
"အင်းမမှုံ"
"နို့ဆာလို့နေမှာ အလိမ္မာနှစ်ယောက်ဆိုတော့နို့မနိုင်လောက်ဘူး မမှုံတို့မနက်ကလေးဆရာဝန်နဲ့သွားပြီးတိုင်ပင်ကြည့်ကြမယ်လေ"
"ငါလည်းလိုက်မယ်"
"နင်မနက်ရုံးမှာအစည်းအဝေးရှိတယ်မှတ်လားလိုက်မနေနဲ့ နင်ရုံးမသွားတာလည်းတော်တော်ကြာနေပြီ "
"မမှုံပြောတာဟုတ်တယ် ကိုရုံးမသွားတာကြာနေပြီ အလိမ္မာနဲ့မမှုံပဲသွားလိုက်ပါ့မယ်"
"အင်းပါ တစ်ခုခုဆိုဖုန်းဆက်နော်ဟုတ်"
မှုံနသာသည် မိမိတိုက်ခန်းအားရောင်းကာ အမရာတို့အိမ်တွင်လာနေထိုင်၏။သူမသည်လည်းကလေးနှစ်ယောက်အပေါ်မိခင်ပမာစောင့်ရှောက်ပေးသည်။မိခင်တစ်ယောက်သိသင့်သောအရာများအား စာအုပ်ဝယ်ဖတ်သည်။Youtubeမှ video များကြည့်ကာလေ့လာ၏
"ဟုတ် အမြွှာဆိုတော့နို့မနိုင်တာသဘာဝပါဗျာ "
"အဲ့တော့ဟိုနို့မှုန်တိုက်သင့်လားဆရာ"
"နို့မှုန်နဲ့မိခင်နို့မျှတိုက်ပါရပါတယ်ဗျ"
"ကလေးရဲ့ဥာဏ်ရည်ဖွံဖြိုးမှုကိုရောထိခိုက်စေလားဆရာ"
"မဆိုင်ပါဘူးဗျ အစိုးရိမ်မလွန်ပါနဲ့ဗျာ"
မှုံနသာတစ်ယောက် ဆရာဝန်နှင့်အရာရာတိုင်ပင်၏ မသိလျှင်မှုံနသာကပင်အမွှာလေးမိခင်ထင်ကြမယ်။မှုံနသာ စျေးကြီးပေ့ဆိုသော နို့မှုန်များသာဝယ်၏ ယဥ်ကျေးသည်လည်းတူလေးနှင့်တူမလေးအား video callဖြင့်မြင်ပြီးသူမအတော်ချစ်နေရရှာ၏
နိုင်ငံခြားမှ ကလေးနို့မှုန်များအာဟာရစာများအစုံပို့ပေးတတ်သေးသည်။
YOU ARE READING
𝚂𝚑𝚎 & 𝙷𝚎𝚛👸👰(completed) Uni+ZG
Romance..တကယ်တော့သိပ်ချစ်လာတဲ့အခါ အမရာ မျက်လုံးထဲမှာ အရာရာဟာငယ်လေးရဲ့ပုံရိပ်တွေပဲဖြစ်လာခဲ့တယ်
