အမရာတစ်ယောက်အစည်းအဝေးခန်းထဲတွင် ဆွေးနွေးနေကြသော စီးပွားရေးအကြောင်းများဆီသို့အာရုံမရောက်နိုင်။
ဆိုနနှင့်ခွန်းချိုခတို့ အမရာစိတ်များအိမ်ရောက်နေသည်ကိုရိပ်မိကြ၏
"ဟိုအဲ့တာကိုဘယ်လိုသဘောရလဲ ကျွန်တော်ပြောတာကိုပြင်စေချင်ပါသလား"
ထိုမေးခွန်းအားလည်းအမရာမကြား ဘေးမှထိုင်နေသော ခွန်းချိုခအမရာအားလက်တို့ကာ သတိပေးလိုက်သောမှ
"ဪ ပြင်စရာမရှိပါဘူးသဘောပါ"
ကလင် ကလင် ကလင်
အမရာဖုန်းအားချက်ချင်းကောက်ကိုင်၏
"ဟုတ် ဆရာမလေးပြောပါ"
အမရာကိုယ်ပိုင်ငှားထားသော သားဖွားမီးယပ်ကျွမ်းသူနာပြုမလေးဖြစ်၏
"ဟိုအမက တို့ဟူးနွေးစားချင်လို့တဲ့ရှင့်"
"ဟုတ်လား ဟိုငယ်လေးကိုရောကျွေးလို့ရပါ့မလား"
"ဟုတ်ရပါတယ်ရှင့်"
"ဟုတ် ဟုတ် ဒါဆိုခုဝယ်လာခဲ့ပါ့မယ်"
ဖုန်းချကာ အစည်းအဝေးပြီးပြီဟုဆိုရင်း အမရာရုံးမှချက်ချင်းပြန်သွားသည်။အစည်းအဝေးခန်းရှိလူများ တစ်ယောက်တစ်ပေါက်ဖြင့် သဲသဲလူပ်နေသော အမရာအားအရွှန်းဖောက်နေခဲ့ကြ၏
"ဖြည်းဖြည်း မမအလိမ္မာ ဆည်းဆာကိုသေချာကိုင်ထား"
"ဟဲ့ဆည်းဆာနင်တို့ကလည်းလေ မမပြောလည်းပြောချင်စရာကိုယ့်အိမ်ကိုနေပါအုံးငါတို့အိမ်ပဲလာလာနေ ပြီးတော့မအလိမ္မာဗိုက်ထဲကငါ့တူမလေးပါနော်"
"ဘာတူမလည်းတူလေးမွေးမှာတူလေး"
အလိမ္မာကိုယ်ဝန်ငါးလရောက်သော ဗိုက်ကလေးသိသိသာသာပူလာ၏ အလိမ္မာ၏မိဘများပင်ဂရုစိုက်ပေးစရာကိုမလိုလောက်အောင် အမရာအကုန်လိုလေစိတ်မရှိထားပေးသကဲ့သို့ မှုံနသာနှင့်ဆည်းဆာတို့နှစ်ဦးလည်း အချိန်ပြည့်နီးပါးရှိကြသည်။ကျေးကျေးလည်း မိဘများနှင့်နေရသည်မှာသိပ်မပျော်သဖြင့် အိမ်နှစ်အိမ်ဟိုနေဒီနေလုပ်၏
ESTÁS LEYENDO
𝚂𝚑𝚎 & 𝙷𝚎𝚛👸👰(completed) Uni+ZG
Romance..တကယ်တော့သိပ်ချစ်လာတဲ့အခါ အမရာ မျက်လုံးထဲမှာ အရာရာဟာငယ်လေးရဲ့ပုံရိပ်တွေပဲဖြစ်လာခဲ့တယ်
