فارسي الأجنبي ( من عالم آخر ٢)

الخامس

..
يجلسن على أحد المقاعد الخشبية في الحديقة الخاصة بالفندق الذي يقام به الزفاف..

صاحت نورا..ببسمة..وهي تنظر للسماء الصافية..
: يااه الجو هنا تحفه..

أيدتها ضحى أيضا... ثم صاحت بتذكر..
_ صحيح أخبار جوزك أي..؟

ضحكت تلك الدعوة نورا بسخرية.. ثم تمتمت بخواء ..
: اطلقت..

شهقت زينب بذهول ... مردده بتعجب ..
_ إزي.. ده أنا أسمع إنكم متجوزين عن حب..

اومات الأخرى بشرود..
ثم تنهدت بحنق عليه...

: أيوه.. بس للأسف معرفناش نتوافق... دايما يعلق على لبسي.. و يتحكم في خروجاتي و حياتي...
و إلبسي ده و متلبسيش ده.. متحطيش ميكب اب و انتي خارجة.. إقطعي علاقتك بصحابك الولاد..
و غيره وغيره....

اردفت ضحى بغضب من تلك العقليات الرجعيه المقعدة كما تعتقد
_ ليه كان شاري جموسة يمشيها على كيفه..  بكره الناس دي أوي ...

عارضتها زينب... وهي تنظر ل نورا بتأثر
: لا يا ضحى بس هو أكيد بيعمل كدا من حبه
و غيرته عليها...

قاطعتها نورا بإستنكار..وهي تحرك رأسها بنفي..
_ لا يا زورا ده تحكم.. عاوزني أكون أمينة.. وهو سي السيد... عاوز يضيع شبابي...

أومات لها ضحى... مردفه بدفاع عن مبدائها المبنيه على هذا العصر المتفتح ...
: فعلا عندك حق.. الفترة دي أحلى و أجمل فترة في العمر.. هنخنق نفسنا ليه.. نعيش و نستمتع بكل لحظة فيها...

أيدتها نورا بجدية...
_ فعلا.. نعيشها.. إحنا لسا صغيرين.. لما أكبر و أكون في سن ماما.. ساعتها ممكن أبقا أغير لبسي اللي مش عاجبهم ده..

رمقتها ضحى بإستنكار مردفه بعدم تصديق...

: أي ده.. انتي ناوية تكبري نفسك ولا أي .. أنا مستحيل أعمل كدا ولا ألبس زي أمي في يوم من الايام... فيه ستات كبيرة كتير أوي شيك و إستايل في لبسهم أوي
و لا أكن عندهم عشرين سنة... و بحاول أخلي ماما كدا.. بس شغالة على حرام وحلال..

نفت نورا برأسها... موضحه..
_ لا بالعكس.. ماماتك معاها حق..  لبسنا ده حرام أصلا  .. طليقي كان بيسمعني فديوهات لمشايخ كتير عشان يخليني أغير إستايلي ..
و ساعتها قولت لما أكبر أبقا أغير لبسي واتحجب كويس لسا قدامي العمر .. إنما دلوقتي خليني أعيش شبابي براحتي...

تمتمت زينب بزهق..
: كفايا كلام عن الموضوع ده.. أنا إتخنقت منه.. لما نكبر نشوف هنعمل أي .. دلوقتي عاوزين حاجة تسلينا...

ضحكت نورا و ضحى بخفه...

ثم صاحت ضحى.. وهي تشير ل زينب..
_ الأخت زينب مسافرة سويسرا بعد شهر.. و عاوزه تظبط جسمها عشان تكون وتكة لما تروح للاجانب... متعرفيش كابتن كويس..!!