فارسي الأجنبي ( من عالم آخر ٢)

الرابع عشر

كان الجميع مجتمع في هذا اليوم في فيلا اللواء يحيى احتفالا ب ( سبوع) حفيدته.. إبنة محمد و بسملة

بعد الاحتفال.. بمراسم السبوع التقليدية
كانت بسملة جالسة بفستانها الهفهاف الابيض الانيق و علي ذراعها طفلتها حديثة الولادة.. تجلس بين الجميع مهنئين ليها فرحين بالطفلة شديدة الجمال الذي ورثت عيون والدتها و جمعت بين الجمال المصري و الفلسطيني....
كان الرجال جالسين بجانب بعضهما البعض و السيدات بجانب بعضهما البعض... و الاطفال في الحديقة الخارجية يلهو بسعادة و طفولة..

صدع صوت زمردة المازح ترد علي اعتراض اخيها محمد
_ البت دي هتتاقل بالذهب... و الكل هيجري وراها.. فخليك ناصح و جوزها ثري عربي

علت قهقهات الجميع
حتي صاح محمد بغيظ...
: يابت قولتلك مش هجوزها.. هخليها تعنس و تقعد جنبي..

صاحت وتين بإعتراض سريعا... ومرح ايضا وهي تحاول مشاكسة محمد
_ ليه بس.. اكيد فيه حد بيحب البسبوسة و مش هيسيبها تعنس

وهنا انفجر الجميع في الضحك علي ملامح محمد و تذكرهم للماضي...
همست بسملة من بين ضحكاتها الرقيقه ل محمد الجالس بجانبها...
: كما تدين تدان..اللي كنت بتعمله ف بنات الناس هيتعمل ف بنتك..

هقهق بشدة وهو يحاوطها بذراعه مغمغم بمرح وهو يلاعب حاجبيه بوقاحة ..
_ بنات الناس بقو ملكي دلوقتى يعني معملتش حاجة غلط تترد في بنتي.

صاحت وتين بمشاكسة حتي تغيظ محمد
: مهو اكيد هتبقا ملكه برضو زي بسملة ما بقت ملكك كدا

صرخ محمد بغيظ و غيره علي ابنته وهو ينظر ل إلياس
_ إلياس.. لم " أجل" بدل ما اتصرف انا.

هقهق الجميع بمرح عند كلمة " أجل"..

حتي صاح إلياس بهدوئه و ببسمته الوسيمه الرزينه
وهو ينصف زوجته ناظرا ل محمد بتحدي زائف.
: وهتعرف تتصرف؟

علت قهقهات الجميع بشدة وهم ينظرو لمحمد بتفشي.. فنظر ل إلياس بشر... ثم نظر ل وتين بخبث حتي يقلب الطاولة على إلياس.

_ ومعرفش اتصرف ليه يا اخويا كنت ناقص أيد ولا رجل ولا البنات بتجري ورايا... اها صحيح يا إلياس

نظر ل إلياس الذي توترت ملامحه.. فاكمل محمد بمكر.. حينما توجهت جميع العيون له بتركيز
_ عملت اي مع البنت اللي كانت بتعيط و تقولك اتجوزني عرفي انا بحبك و بموت فيك...

حمحم إلياس بخشونه وهو يعتدل في جلسته حينما وجد سهم من النظرات الحارقة ترسله وتين..

علت صيحات الشباب بمرح و شماته

فرفع سيف كفه وهو ينظر ل وليد ببسمة واسعه.. فضرب وليد كف سيف ايضا بتفشي ف إلياس...
متمتمين ف صوت واحد
( إلبس يا معلم)
فنظر لهما إلياس بتوعد... ولكنه انتبه ل صوت وتين ذو النبره الشريرة
: ها يا حبيبي يابو قلب حنين عملت معاها اي..؟