فارسي الأجنبي ( من عالم آخر ٢)

ال48 (فصل إضافي)

............ الفصل بعد ما خلصته اتمسح وكان طويل جدا 🥺🤦‍♀️.......
و كتبته من جديد... عاوزه تفاعل حلو بقا علشان تعبت وربنا... و اها ده طويل بس مش زي اللي اتمسح...
َ
_______________
ال٨

قام بفتح الباب سريعا حتي يري من هذا المزعج... فوجد عاصفة هوجاء تنفجر في وجهه بدون إنذار

_ نعمم.. طالعتو عايشين اهو... اومال من صباحية ربنا عمالين ندور عليكم مش لاقينكم ليه.. و الفونات محدش بيرد و ندور في المزرعة و هنا و هنا و إلياس بقا يدور في الامكان اللي حضرتك قاعد فيها ومفيش أثر....

جاءت زينب سريعا وهي تعدل طرحة إسدالها مردفه بتعجب وذهول وهي تقف بجانب أريان المتخشب..

: ضحي!!! خير يابنتي فيه ايه.. ؟ومالك داخله علينا بزعبيبك كدا ليه؟

توسعت عين ضحي بجنون... وهي تنظر لهذا الثنائي الجليدي البارد أمامها...

فتحدثت من بين أسنانها بغيظ مكتوم

_ أصل فيه واحدة كدا كنا متفقين هنتقابل سبعة الصبح و فضلت مستنياها ل عشرة بدأت أقلق إتصل عليها مش بترد أتصل على جوزها مش بيرد ع فون البيت مفيش رد ... اتصل علي المزرعة ماظهروش من إمبارح...

أتصل علي إلياس ليكون فيه مصيبة... طلع هو كمان ما يعرفش عنهم حاجة...و بقينا هنتجنن و عمال المزرعة واحد منهم جة يخبط عليكم قال مفيش نفس في البيت.

نظر أريان ل زينب ببرود.. ثم أردف بسخرية
: هي دي الخصوصية اللي في مصر..

كتمت زينب ضحكاتها بصعوبة...

فنظر أريان ل ضحي ببرود... فرفعت حاجبها الأيسر حتي كاد أن يلامس منابت شعرها.

: إتفضلي يا ضحي البيت بيتك..

ثم تركهما و دخل للداخل...

جحظت عين ضحي بجنون وهي تنظر ل زينب بعدم إستيعاب..متمتمه بذهول
_ أيه البرود ده؟! بعد ده كله.. بكل برود خشي يا ضحي البيت بيتك..

انفجرت زينب في الضحك بشدة... فتقدمت ضحي بشر منها...

فتحركت زينب سريعا للداخل وهي تكتم ضحكاتها... فدخلت ضحي وقامت بصب غيظها بالباب فاغلقته بحدة...

جلست زينب علي الاريكة الناعمة... وهي تشير لضحي بالجلوس
: اهدى بس كدا.. و اقعدي.. و الله يابنتي كنا نايمين و محسناش بالوقت..

جلست ضحي وهي تضيق عينيها بفضول
_ نايمين...!! كل ده نوم... ليه؟

ضحكت زينب بيأس..
: هو أيه اللي ليه.. سهرنا في المزرعة إمبارح... اصل أريان كان جايب زيتونة من سويسرا ليا مفاجأة و عملنا سباق و كدا بقا...

ضيقت ضحي عينيها بفضول شديد.
_ ايوه وهو ايه اللي كدا بقا... بعدها ايه؟

توسعت عين زينب بذهول.. متمتمه بجدية زائفه
: بنت عيب..دي خصوصيات.