فارسي الأجنبي ( من عالم آخر ٢)

الثامن و الثلاثون

ال٣٨
..
واضعة ساق فوق الاخري و بنظرات متعالية تشملهم من أسفلهم ل أعلاهم... بإمتعاض شديد... متخليه عن أسلوبها الراقى و التهذيب المصطنع الذي تستخدمه في مثل هذه المواقف..

تحدثت ببرود ونبرة متهكمة مستنكره..
_ وبعدين..؟

رفع محمود حاجبة الأيسر بسخرية.. يحاول التغاضي عن أسلوب هذه المرأه قليلة الذوق.

: هو أي اللي بعدين حضرتك..!!! أنا بقول اي غريب.

ردت بملل
_ سمعتك و خلاص.. و طلبك مرفوض.

كادت تصرخ بها ضحي بغضب إلا أن محمود قبض علي كفها بقوة... وهو يعتدل في جلستة بعنجهية وضع ساق فوق الاخري بترفع...
و اضجع ظهره علي الكرسي الوثير.. بجانب ضحي التي رفعت حاجبها الأيسر بتوجس.. بينما علي الناحية الاخري ماهر يكتم ضحكاتة...

نظرت له والدة براءة بعدم فهم و تعجب.

فصدع صوت محمود بصلف وثقة زائده
: بس انا مش جاي اخد رأيك.

شعرت السيدة بسطل ماء بارد يسقط علي رأسها.. فتجمد لسانها حينما أكمل محمود

: انا جيت أطلب منك براءة بإعتبار إنك والدتها... وحبيت أفرحك..
بس أنا ك راجل شرقي لما أحب أتقدم لواحدة هروح لكبيرها و أقعد مع رجالة عيلتها بإعتبار والدها متوفي...
مهو مش عايشين في أوروبا.. هروح اتقدملها بطريقة رومانسية وسط صحابها في النادي.. لا حضرتك انا راجل أعرف في الاوصول كويس جدا.. انا روحت إمبارح انا و والدي و جدي و عيلتي و اتقدمت للأستاذ مصطفي عم براءة و الشخص طلع علي معرفة ب عيلتي و كان فيه صداقة بين والده اللي هو جد براءة و جدي.. و رحب جدا و منتظر موافقة براءة..

بلعت السيدة ريقها الجاف بصعوبة... وهي تنظر ل محمود مصعوقة.. تحاول إيجاد أي مخرج من هذه الورطة..

بينما ضحي إبتسمت إبتساع وهي ترمق السيدة بتفشي...

تحدثت السيدة أخيراً.. مردفه بسخرية لاذعة..
_ انت عاوز تعرفني إن جدك يعرف سعد باشا حفيد.......

قاطعها محمود ملوح بيدة بتعالي مصطنع
: بس بس مش لوحدكم اللي تعرفو بشوات.. إحنا كمان نعرف بشوات يا هانم ..

توسعت عينيها بذهول وعدم تصديق..متحدثه بتسأل
_ بجد.. مين بقا..؟

نظر محمود ل ماهر وهو يدعي الثقة و اللامبالاة..
: عندك الباشا بتاع الكشري اللي في الحي عندنا.. احنا من أكبر الزباين عنده

انفجر ماهر و ضحي في الضحك... وهما ينظر للسيدة التي وضعت كفها علي قلبها تبدو أنها تعاني من بوادر ازمة قلبية..

فإنتقلت ضحي بجانبها سريعا ببسمة ماكرة.. ثم مالت عليها هامسة بشر..

_ الرجالة اتفقوا و عمامها وافقوا.. فمفيش حل قدامك غير إنك توافقي...
لو انتي فعلا ذكية زي ما بيقولو احسبيها بالعقل كدا و هتلاقي بموافقتك انك الكسبانة... ليه؟ لان كدا كدا الجوازة هتم..