هو ليس بصاحب الشركات و الإمبراطوريات.. وليس من أشهر رجال الأعمال.. بل فارس بسيط يعمل في احدي المزارع الخاصه بالخيول.. و المزرعة خاصه بعجوز كهل أصبح من الصعب عليه الاعتناء بها .. إستطاع هو بالنهوض بتلك المزرعة خلال السنوات التي قضاها معهم و أصبحت من...
جاية اقولكم علي حاجتين مهمين اوي.. بدل ما كنت هطلع لايف.... هطول شوية صغنين بس اللي بيحبني هيكمل للنهاية... علشان كلام مهم جدا... و فيه قرار أهم ❤️
اول حاجة
شخصيات الأطفال..... هتقولوا اسلوبهم و شخصيتهم مش مناسبة مع العمر... وانا معاكم جداا بس لو علشان يمشوا شخصياتهم علي العمر كان لازم يكون عندهم عشر سنين و كدا اكون مشيت احداث الرواية عشر سنين و بالتالي الاخ أريان هيكون عنده أربعين سنة😁🙆♀️
طب ليه ظهرتيهم كدا.... ليه مش جبيتهم أطفال ع عمر خمس سنين.؟؟..
هجاوب و أقول لاني كنت عاوزه اظهر شخصية كل واحد فيهم لان ان شاء الله ممكن يكون فيه رواية ليهم بطلتها ( لين)... فتكونوا ع معرفة بيهم كلهم و تعرفوا شخصية كل منهم....
فمعلش ف الحتة دي اتغاضو عنها خالص و اعملوا مش واخدين بالكم من العمر 😂❤️
................
تاني حاجة هتكلم علي التفاعل اه التفاعل ليه لاني بتعب جدا رغم اني طول الاسبوع بكون برا... وربنا يعلم انا بكتب ازي + موضوع عيني واني هلبس نضاره🤦♀️😔الحمدلله على كل حال....
بس التفاعل والله ما يرضي ربنا.. تعرفوا لما العدد ده كله يشوفو و مألقيش ربعه تفاعل ده يدل ع اي؟؟
يدل ان الرواية وحشة... اها و انا كدا بيجلي احباط شديد اوووووي
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
ده البارت اللي قولت اتفاعلوا علشان انزل حلقه كمان و للاسف مجابش ٥٠٠ حتي... كان ف نيتي لو جاب ٥٠٠ كنت هنزل بس برضو محدش مهتم...
فانا عندي والله اللي يشوفها عدد صغير و يتفاعل احسن من عدد كبير محبط
... و صراحة جاية اتكلم معاكم و افضفض.. في للاسف القرار اللي باخذه حاليا وهو اني هوقف كتابة خالص ...
هخلص فارسي و هسيب الكتابة... لاني صراحة تعبت بتعب اوووي و ف مقابل اني بلاقي احباط فليه اتعب اعصابي و نفسيتي....
تخيلوا سنة ونص... تعبت فيهم قد اي... نظري ضعف... بقضي وقت طويل اوووووي في الكتابة بعيده عن صحابي و أهلي.. و ف الأخر حاسة اني ما عملتش حاجة...
عشقتها في ابتلائي ملاكي هي إبتلائي من عالم اخر فارسي الاجنبي مدونة الخفافيش بائعة الطعام ال١، ٢
كل رواية من دول كتبت فيها لون شكل... و فكرة مختلفة و افكار جديدة اظن محدش نزلها قبل كدا ع الساحة..... و بقيت ع قد ما اقدر انزل استفادة فيهم... ليه لاني مش عاوزه حد يضيع وقت بسببي ف حاجة تافه ملهاش لازمة...
بس تعرفوا ١٠٪ بس من اللي قرأوهم... هما اللي فرحوني... بكومنتاتهم و بوستاتهم و تشجيعهم المتواصل ليا....
بس الباقي فين.... ؟؟. ليه ١٠ ٪ ليه ما يكونش 90٪ هل انا ما أستحقش؟؟😔
نيجي للرواية دي..... بقالي فترة طويلة اكتر من شهرين بمر بظروف صعبة جدا.... وربنا يعلم بيا... حالي اتبدل خالص... و مبقاش عندي شغف نهائي للكتابة..
بس جيت علي نفسي علشانكم.. بس سوري انا مش قادرة اجي ع نفسي اكتر من كدا ... لان انا بشر و بتعب و بزعل و بيأس...
عدد مشاهدات الرواية دي ألفين و نص...؟
عرفين مين بيتفاعل هما ٤٠٠ مفيش غيرهم و ٥٠ كومنتات
هل ده يرضي ربنا؟؟
ليه الالف و نص.. ما يتفعلوش... انا مش عاوزه غير ألف ونص ومش هكون طماعة و أقول الألفين ونص...
بس الناس دي لو اتفاعلت معايا و فرحوني.... اكيد مكنتش هوصل لقرار زي ده....
تعرفوا اكتر حاجة تزعلني لما ألقي حاجة فيها فكرة مهروسة خمس تلاف مره و فيها حاجات خارجة و ماتصحش و ألقي الكل منزل بوستات علي كل جروبات الفيس و كمية تشجيع للكاتبة رهيبة..
لما اشوف حاجة زي كدا اكيد نفسيتي هتتعب...💔 مهو انا مستحيل اكتب حاجة زي كدا علشان اتشهر لا والله عمرها ما تحصل... ده انا اعتزل ولا اكتب حرف يضر حد وياخد عليه ذنب...
قولت ادخل أشوف حد رشح رواياتي كدا... و كالعادة ملقتش حد ... وزعلت جدا 😔💔 بس لفت انتباهي كومنت بنوته كاتبية فيه أسماء اكبر الكتاب و بتقولها دول افضل ناس تقرائي ليهم... لقيت اسمي.. تخيلوا اسمي كان مع دكتور حنان لاشين و حسن الجندي .. و الله اخدته اسكرين و فضلت طوال النهار ابص عليه و ابتسم كدا ❤️❤️❤️❤️❤️🥺
كان نفسي ألقي دعم بس للاسف خذلتوني بس عاوزه اشكر الناس اللي معايا خطوه خطوة و دايما بيدعموني و انتوا والله مهونين عليا و انا بستمر ف الرواية دي ومش راضية أوقفها علشانكم انتو انا هكملها علشانكم 🥺🥺❤️❤️بحبكم والله وربنا يسعدكم زي ما بتسعدوني ❤️❤️❤️
بارت بكرا للاسف ملغي... ليه لاني عندي امتحان عملي السبت و كمية حاجات مطلوبة مننا ماتتعدش... فأكيد مش هقضي خمس ساعات من اليوم بكرا اكتب ف الفصل و ألقي ف الاخر احباط والله ما ناقصه 🥺🤦♀️
استودعكم الله الذي لا تضيع ودائعه ❤️ وشكرا للناس اللي كملت البوست للاخر كنت حابه افضفض معاكم🥺❤️ واها نسيت صح... كنت للاسف مجهزه حاجات ل رمضان بس للاسف شغفي ضاع خالص 😔
