فارسي الأجنبي ( من عالم آخر ٢)

السابع و الثلاثون

انا لقيت اكتر من حد اللي يقولي الفصول عندي آخرها ٢٩ ٣٣ و ٣٢....
فصراحة مش عرفة المشكلة من فين...
ف انا عدت نشر الفصول من جديد...
لو حد يعرف المشكلة من عند مين و ازي حلها يقولي..
-_____________________________-

ال٣٧
جالت بنظرها في انحاء هذا المكان الراقي.. تتهرب من نظرات ضحي الثاقبة... تحاول الحفاظ علي ثباتها و انفعالاتها حتي لا يظهر ما تخفيه ف قلبها ل صاحب العيون الزرقاء أمام ضحي..

زفرت ضحي بملل وهي تعتدل في جلستها علي الكرسي..ثم ضربت بخفه علي الطاولة مردفه بغيظ طفيف
_ ممكن أفهم أي ضايع منك في المكان هنا علشان كل شوية تسبيني و تدوري عليه..

إبتسمت براءة بتوتر وهي تحاول تجميد ملامح وجهها حتي لا تغزوه تلك الحمره التي تعبر عما يعتلي صدرها من خجل شديد...
: أبدا بس المكان جميل..

رفعت ضحي حاجبها الأيسر بإستهجان و سخرية..
_ لا ياشيخة.. ؟! دي أول مره تيجي هنا ولا اي
ان شالله.

زفرت براءة بتعب.. من محاصرة ضحي لها..فصاحت بنفاذ صبر
: مهو يا ضحي انتي منزلاني من بيتي الساعة اتنين الضهر في عز الحر و إحنا صايمين و قعدتي ترغي و تخشي بعدها في محمود و تعددي صفاته و مميزاته و في الاخر تقوليلي اي رأيك فيه ومعرفش اي.. طب عوزاني اقولك اي ياعني..

ردت ضحي تلقائياً
_ رأيك يا اختاة.. رأيك يا حبيبتي... الواد ده لو جه اتقدملك توافقي..؟ جبتهالك من الاخر اهو..

غزت الحمره القانيه وجه براءة و بسمة مليحة لم تستطع التحكم بها.. تتراقص علي شفتيها.. هربت بعينيها سريعا تخفي تلك الطبقه الرقيقة من الدموع التي غشتها...

فرفعت ضحي حاجبها الأيسر بتوجس.. وهي تتفحص الاخري بتدقيق شديد... حتي ارتفعت زاوية شفتيها ببسمة ساخرة وهي تهز رأسها بإدراك أخيراً..
ثم همهمت بمكر.

_ ممم قولتيلي المكان جميل كان قصدك المكان برضو ولا محمود أخويا.!!

نظرت لها براءة سريعا بغيظ..
فقهقهت ضحي بشدة وهي ترمق براءة بتسلي و بسمة ماكرة تلوح علي وجهها... اردفت بمرح
_ ده مطلعش لوحدة بقا اللي مدلوق...

نظرت لها الاخري بشر... فإنفجرت ضحي في الضحك بشدة...
ف إبتسمت براءة بخجل... ثم اردفت بتلعثم..
: ضحي هو انتي قصدك اي ياعني ب

قاطعتها ضحي بمرح و نظرات متسليه
_ قصدي اي علي اي..؟ وضحي..! ؟

عبست براءة.. ثم تحدثت بغيظ من أسفل أسنانها
: ضحي...

_ عيونها..
ردت الاخري بمرح و تلاعب

فزفرت براءة بنفاذ صبر... فضربت بضيق علي الطاولة..
: ضحي اخلصي

انفجرت ضحي في الضحك... ثم صاحت بعدم تصديق من بين ضحكاتها..
_ اووه ازي ما اخدتش بالي.. ده انتي ياعيني واقعة خالص..