#تراتيل_السقوط
#الترتيلة_الثانية
#روز_الفياض
.
.
.
و ما زلتُ أنتظرُ قدُومك ، أخافُ أن يكونَ عمري خرِيفاً تلوَ الخريفِ ، و لَا ربيعَ يأتي ، العالمُ يدورُ مِن حولي و أنا مازلتُ أدورُ حولَ ظِلك 🌺
🎀
🎀
🎀
بقيت يم رواء بغرفتها تحجيلي عن اهلي وعن حياتي قبل بالعراق .
تراتيل :
حق منو اني ماكله ؟
رواء :
شنو يعني ؟
تراتيل :
عمتي كالت اني ماكله حقها وحق اولادها ..
صحيح عالحجي ؟
رواء :
حق شنو ؟ والله ماادري صارلي سنين عايشة وياهم بس ماسامعه احد ماكل حق احد .
تراتيل :
زين اني جنت قبل انسانة سيئة ؟
رواء :
ليش سيئة ، شبيج سيئة اسم الله ، بس انت ماعدج حظ .
تراتيل :
لا مو مسألة حظ .. اكيد اني قبل جنت مو هينه اكيد مسوية اشياء مو زينه والكل متضايق مني .
رواء :
صدكيني كل احنه حياتنه ماشيه وره الحظ اكو ناس عدها حظ واكو ناس لا ..
انت فرقج عن الناس انه انت شخصيتج قوية وماتقبلين بشي اقل من حقج .
تراتيل :
شلون يعني ؟
رواء :
يعني تعرفين قيمة نفسج .
تراتيل :
وجنت مغروره وشايفة نفسي مو صح ؟
سكتت رواء شوية بعدين كالت :
نوعاً ما ، مو مغروره مااشوفج مغروره بس كتلج جنتي قوية وتعرفين قيمة نفسج .
تراتيل :
وليش جنت شايفة نفسي على اهلي ؟
رواء :
انت منين جايبه هالحجي ؟ تره عمتي ماتقصد ساعة عصبية .
تراتيل :
الانسان من يصير عصبي يطلع شكو شي ضامه بكلبه .
سكتت رواء بعدين كالت :
يمكن ..
يمكن قصدها على حسن .
تراتيل :
شبي ؟
رواء :
قبل من جنتي بعدج هنا رادتج لحسن وانت ماقبلتي ..
يمكن هذا قصدها .
تراتيل :
وليش مقبلت ؟
رواء :
انت تردين تجرجريني بالحجي وانه مااعرف انت شتعرفين ههههه .
تراتيل :
لا اعرف جنت مطلقة وعمتي كالت جنت احبه .. يعني علموده مقبلت بحسن ؟؟
رواء :
الظاهر ..
ردت اسألها بعد اسئلة بس دخل حسين جايب جيس حلويات جبير :
هاا شتحجن ؟
رواء :
سوتلي استجواب رتوله هههه .
حسين :
جبتلجن نمنات ادري بيجن البنات تحبنها وكت الحش هههه .
رواء :
عفيه عليك بس كون وياها حب شمسي ؟
حسين :
كل شي موجود بس ديرن بالجن امي تعرف تسلسن حب .
تراتيل :
ليش ؟
