#تراتيل_السقوط
#الترتيلة_٣٣
#روز_الفياض
.
.
.
"أتمنى أن تُشفى روحي من سلبيّة الأفكار التي غالبًا ما تدور حول معارك الماضي وحسراته المؤلمة، وأتمنى أن يرتاح قلبي؛ ذاك الذي ينبُش جراحه القديمة من جديد كُلما أوشكَت على الشِفاء، أتمنى أن يحِل السّلام والنور والبهجة على الحرب التي بداخلي.."🖤
.
.
.
رجعنه لبغداد ..
من وصلنه كلي :
انه ماراح اضغط عليج اكثر .
ابقي ..
انه رايح ، انه عندي دوام وعندي شغل والتزامات ..
امي وابوي ونائل وجهاله مااكدر اكابلج واكعد هنا ..
انت ابقي ارتاحي وشبعي من اهلج وتعاي ..
بعد لا راح احجي ولاراح اكول شي .
خالتي :
ميخالف خاله خليها فد اسبوع ترتاح واني اجيبها بس لاتضوج هي هم نفسيتها تعبانه من سالفة لسالفة متحلك تتستوعب تجيها كفخه ثانية ..
شهاب :
براحتها .
خالتي :
اشو جنك زعلان ؟
ينطيك كلبك تزعل على رتوله ؟
هاي رتوله العزيزه ؟
اتنهد حيل :
مازعلان ..
تريد تبقى خل تبقى شسويلها يعني ؟
انه هم تعبت من الروحه والرجعه بهذا الطريق شطوله وعندي شغل ودوام واهلي الهم علي حق .
خالتي :
اي حقك حقك ..
هي ترتاحلها كم يوم وتجي متطول مااخليها تطول يمي ولو فراكها صعب بيها ريحة امها الله يرحمها ..
شهاب :
ماشي ..
انه اروح ..
خالتي :
لالا متروح هسه عالاقل ابقى لباجر تعب السفر وانوب تعب الطريق شدعوه قابل مطرود؟
مقبل يبقى راح ..
بس جان ماخذ على خاطره مني ومستاء .. لاراسلني ولااتصل ولا سأل عني ..
بقيت اسبوع لو نايمة لو صافنه لو ابجي بدون سبب ..
خالتي احتارت وياي اخر شي ودتني لدكتور نفسي ..
شرحتله الافكار التجي براسي ومشاعري وخالتي حجت الاول والتالي اله من جنت صغيره لحد مسويت العملية ..
سوالي تخطيط لان احتمال تكون عندي شحنات زايده ..
وطلع ماكو شي ..
فشخص الحالة على انها اكتئآب ..
كتبلي نوعين حبوب ورجعنه ..
من اخذ النوع الاول من الحبوب اروح بغير عالم .. بغير دنيا
بس عيوني مفتوحه بس لااسمع لااشوف ولااحس ..
ماادري بنفسي ولاعندي ادراك لتصرفاتي ..
والنوع الثاني من اخذه يخليني نايمة طول اليوم ..
مر اسبوع ماادري اني وين جنت بي ...
ماادري عن الدنيا شي ..
الى ان اجه باسل ..
ومر علينه من شافني شلون مااحجي ولا انتبه ولااسمع وبس خاملة وكاعده وحدي ..
اصر على خالتي ياخذني وياه ..
يرجعني للبيت .
طول الطريق اني نايمة من تأثير الحباية ..
فزيت قبل منوصل بنص ساعة استغربت اني وين ؟
ومنو هذا ؟
ووين رايحه ؟
