تراتيل السقوط

الترتيلة السادسة

#تراتيل_السقوط
#الترتيلة_السادسة
#روز_الفياض
🍃
🍃
🍃

_بخطواتٍ مترددةٍ اركضُ نحوك ، بخوفٍ كاملٍ اُحِبك ، بعينين ذابلتين أُراقِبُك ، بقلبٍ هشٍ أُريدك ، بروحٍ يائِسةٍ أميلُ إليك ،
بشكٍ ويقين أُحبُ وجودك 🌹
.
.
.
مر شهر كامل وشهاب ماكو ..

جان عندي امتحان ومشغولة داراجع قبل ماافوت للقاعة والتفتت شفته بوجهي .
ابتسمت بس هو جان شكله عابس اتدنه يمي :
منيلج كل هالقوة ؟

باوعتله بغرور من طرف عيني :
اني تراتيل .. محد يتحداني ويربح .

ابتسم :
تراهنين ؟

تراتيل :
على شنو ؟

شهاب :
تربحين التحدي .

تراتيل :
ربحته وخلص ..
اتصور انت اجيت برجيلك مو صح ؟

ضحك على كيف :
الثقة العندج حلوه .

تراتيل :
طبعاً
اممم ..
اعترف ..

شهاب :
بشنو ؟

تراتيل :
بالهزيمة

شهاب :
انه مهزوم يمج من اول مره شفت .

عرفته يلمح للماضي كتله :
شوكت اول مره شفتني بيها ؟

شهاب :
جنتي بعدج بالمدرسة ، اجيتي ويه عمي وعمتي لعرس باسل .

تراتيل :
اممم .. وبعدين ؟

شهاب :
دخت بيج ..
جنت متصور روحي احب نص بنات المنطقة ههههه .

تراتيل :
وشطلع ؟

شهاب :
طلع كله لعب جهال ..

ضحكت :
ههههه جنت مسوي نفسك دون جوان المنطقة ؟

شهاب :
لاتضحكين ..
انقهر ..

تراتيل :
ليش ههههه ؟

شهاب :
خرب إنَ .. شذكرتينه .. جنت لابسه بدله كصيره مدري فستان مدري نفنوف ماادري شتسمونه انتم .. وردي ومخطط بابيض ومسويه كصيبة لنص ظهرج ومطلعة زلوف صغار من كذلتج ..
ومامخليه مكياج جنتي مثل اللعابات ..

ضحكت حيل وهو ضحك :
والله احجي صدك لهسه اتذكرج حتى قراصة شعرج اتذكرها ورده جبيرة بيضا .
وتمشين ويه عمتي وكصيبتج لعبت لعب بيه ..

استحيت من كلامه رغم جان يحجي بضحك بس جان جاد :
غمزتلج ، ذبيتلج الرقم ، مشيت وراج ..
دخلت الف مره للبيت حتى اشوف ..
وانت ولامعبرتني ..

كتله بجديه :
دتحرجني ..

صفن بوجهي وكمل :
لا اوكفي بعد شوية ..
حتى من صبوا العشا اختاريتلج الماعون العليه اكبر لحمه وخليته كدامج ووديت الجهال جابولج ببسي وياه .
وبعد العشا رحت جبت مرطبات وعصاير وكرزات علمودج علمود تطولون بالكعده يمنه ..
طول ماانت كاعده عيني ماكدرت انزلها ..
كلها انتبهت ودرت الا انت ..