تراتيل السقوط

الترتيلة الثامنة والثلاثون

#تراتيل_السقوط
#الترتيلة_٣٨
#روز_الفياض
.
.
.
‏.
.
.

ماذا لو أخبرتُك ..؟!
أنني حاولتُ أنْ أتجاهل
كُلَّ ما قد يشي بك ،
أنْ أوقفَ سيلَ تسرّبك داخلي ،
أنْ أغتالَ مشاعري المحمومه بِك
لكنني فشلت ،
وجميعها رفعت رايات التمرّد والعصيان ..!

‎.
.
.
بعد كلامي ويه ام عبودي واخوها حسيت بالاطمئنان والراحة .
راحة نفسيه من يكون عندك صديق حقيقي يشيل همك وميطعنك بظهرك ويوكف وياك ويساعدك بأعتى الظروف وميتخلى عنك رغم قلة تواصلك وياه ورغم قلة تواجدك ورغم قلة المواقف بينكم .
صدق من قال ( الصديق وقت الضيق ) .
.
.
.
ايقنت ان الله لايغلق باباً الا بعد ان يفتح ابواباً برحمته ❤️‍🩹 .
.
.
.
رجعت للبيت بس اتذكرت هسه ام شهاب تسألني عالطبيب والعلاج فنزلت يم المستشفى القريب عليهم على اساس احجز عند الدكتور بس من شفت ناس هوايه قبلي بطلت .. .

نزلت جوه للصيدلية اخذه حبوب حديد وفيتامينات .
اخذت تكسي وبس صعدت وكعدت بالتكسي دك تليفوني سهام بس جاوبتها كالت :
انت شتردين مني ؟
ليش تحرضين محمد علي ؟

تراتيل :
الناس بالاول تسلم تكول شلونكم شخباركم ..

سهام :
مااريد اسلم ، عوفيني بحالي انت ورجلج شنو حاطين دوبكم من دوبي شتردون مني ؟

تراتيل :
ليش شكناله ؟
ليش هيجي عصبية ؟
اني طلبت اسماء البنات مو اكثر وانت بحكم علاقتج السابقة والحالية الممتده من ذاك الزمن لهذا الزمن بمبين اكيد حاجيلج هو كل شي ..

سهام :
انه مااعرف شي وماعندي شي ويه مبين افتهمتي لاتخليني اندمج على هذا الحجي .

تراتيل :
شتسوين بالله ؟
تخلين مبين يلفقلي تهمة مثل مسوه لشهاب ؟؟؟
لو تتفقين وياه تكرهيني بشهاب حتى ارجع لمبين ياخذني للشقة ؟
تره اني الي اندمج اذا مااحترمي نفسج وجريتي عدل وياي اقسم بالله اروح اشهد واحجيلهم كل شي واكللهم انت تجيبله بنات انت السمساره مالته واعتبرج وحده من افراد عصابته لان البنات يعرفهن عن طريقج ...
هاا شلوني هسه ؟؟
اخوف مو ؟
دزيلي اسماء البنات عيني وكوليله لمبين راح اشهد وخل يراويني شطارته .

سهام :
عندي وماادزها .. وشتردين تسوين سوي ..

تراتيل :
خوش الحمدلله انت البديتي حتى لحد يلومني بعدين من ابدي اتصرف وادافع عن نفسي وعن زوجي ..
مجنت اريد افضحج واحجي كل شي خاف محمد يسمع ويعرف حقيقتج بس هسه اشكرج لان خليتيني اتشجع واخلي سوالف الذمة والضمير على جهة واتصرف صح ..

سديت التليفون بوجهها .

وصلت للبيت كبل نزلت برنامج تسجيل المكالمات خاف انسى .

ام شهاب :
بطيتي ؟

تراتيل :
ازدحام .

ام شهاب :
شكلج الطبيب ؟