#تراتيل_السقوط
#الترتيلة_الثامنة
#روز_الفياض
.🍃
🍃
🍃
-انه الحرگولي گلبي بدون جدحة نار ..💔
.
.
.
زهراء بعد رزالة ام شهاب الها ضاجت وزعلت لبست عبايتها وراحت لاهلها ..
صبينه الاكل وكعدنه ..
ام شهاب :
جا وينها زهراء ؟
جاوبتها هدى بعصبية :
غير فشلتيها ورزلتيها كدام الناس ، زعلت وراحت .
رفع شهاب راسه بينما ام شهاب سالت بعصبيه:
وين راحت ؟
هدى :
لبيتهم .
ام شهاب :
شو بكيفها تتصرف !! مو هذا رجلها كاعد شلون تطلع وتروح وحدها بدون ماتكلنه ؟؟
هدى :
قابل وين راحت هي غير لبيتهم .
ام شهاب :
كوم روح وراها شوفها وصلت لو لا ..
كام شهاب بدون كلام وطلع بس مبين على وجهه ضايج.
ام شهاب :
مره ثانية اذا عادت هالتصرف اخابر على امها لو اخلي شهاب يخابر لابوها ويطيح حظها ، هاي ثاني مره تعيدها شنو مو بعينها احنه ؟!!
رجلها كاعد ماتطلع وحدها بالله صار عليها شي مو نبتلي ؟
بقت هدى ساكته على مضض ..
انتصار :
بنات آخر وكت يردن هنه يمشن الزلم على كيفهن .
التفتت عليها ام شهاب بعصبية كلتلها :
ماعاشت التمشي واحد من ولدي على مزاجها ، انه ولدي زلم كلمتهم وحده تمشي عالجبير كبل الزغير تمشي حتى علي انه .
انتصار :
هو اكلج ، ذني بنات آخر وكت .
هسه قابل شكلتيلها انت ، قابل متدخله بينها وبين شهاب لو حاجيه من وراها غير نصحتيها كدام رجلها .
هدى :
امي ماتدخل بين وحده ورجلها ياوحده بيجن امي متدخله بيها كل وحده هي ورجلها شيردون يتفقون بينهم امي مالها شغل .
انتصار :
چا هسه انه شحجيت ؟
ام شهاب :
اكلن واسكتن جبتن عركجن كدام الناس .
رجع عم السكوت لحدما عمي كال :
الحريم بس دوخه ..
ضحكنه كل احنه ورجعوا يسولفون شوية شوية .
خلصنه اكل وشهاب ماكو .
شلنه السفره ، وكفت اساعد البنات بالمطبخ ودخل شهاب بدون كلام صاح على سحر :
صبيلي غدا .
سحر :
اي هسه .
صبت الاكل وهو صعد فوك .
غدير :
تراتيل هاا ؟ نصعد ؟
تراتيل :
وين ؟
غدير :
مو كتلج مساع .
تراتيل :
ها اي، يلا .
اخذت غدير الصينية مالت اكل شهاب وياها وصعدت اني وراها ..
دخلت لغرفة شهاب انطته الاكل ووكفت اني بالباب اباوع .
التفت باوعلي :
فوتي ..
