#تراتيل_السقوط
#الترتيلة_١٣
#روز_الفياض
.
.
.
-أُطيلُ البكاء بقَلبٍ غَريب، وأُلقي فِي غَيابة الجبُّ نَفسي، أنا يا الله لا اُخوة ليًِ، ولا سيّارٌ يَلتقطُني، فهَل تَشتَري؟
.
.
.
خلصت صلاتي وكعدت سحر تباوعلي :
اريد قرآن
راح جابتلي واحد من جوه واجت ..
كعدت اقرا سورة يوسف ..
وكل شوية اتوقف تخنكني العبره ..
مااعرف شهاب شبي ؟
ومااعرف ليش سافر ؟؟
وماادري ليش ماعنده ثقة بيه ؟
وماادري بعد الكلام الكالته ام شهاب شنو المفروض اتصرف ..
بعدها نزلت سحر تسوي العشا ..
نزلت وراها كلت زحمة لازم اساعدها ..
تراتيل :
اكو يمكم خياطة ؟
سحر :
ليش ؟
تراتيل :
اشتريت قماش اريد وحده تخيطلي دشاديش مثلكم .
سحر :
اي اخت زهراء تخيط ، خياطها حلو .
تراتيل :
ماكو غيرها ؟
سحر :
اكو بس بعيدات .
تراتيل :
ولو اسوي عليج زحمة بس ممكن تدزيهم الها تخيطلي بس على اساس الج لاتكوليلها الي .
سحر :
وره العشا اودي الجهال يطونهن الها .
عدج فصالات ؟
تراتيل :
لا اريد موديلات كلش بسيطة مااريد بيها شي .
سحر :
مثل دشاديش خالتي ؟
تراتيل :
ياخالة ؟
سحر :
ام شهاب .
تراتيل :
اي عاديات يعني .
صبينه العشا جدو وام شهاب واني وسحر ونائل اللي مجنت اشوفه الا بالليل ..
بعدنه نتعشه ودخلوا انتصار وجاسم ..
بيتهم بنفس المنطقة يومية تقريبا يجون ..
كعدوا يتعشون وجاسم يحجي ويضحك حسيته فطير على كل شي يضحك :
بس لا تراتيل مسويه العشه ؟
سحر :
اي ايدها وياي اليوم .
جاسم :
اه .. تراتيل من بعد ذاك الدلال تطبخ وتسوي غديات وعشيات هههههههههه ههههههههه .
ضحكت على كيف على ضحكه دارت انتصار خزرتني :
كبل تستنكف تغسل استكانة الجاي .
تراتيل :
محد يظل على حاله .
جاسم :
اي والله هههههه .
رجعت ضحكت وسحر ضحكت كالت انتصار :
مسولفيلجن نكته ؟
سحر :
ابو محمد ضحكته تسوي واهس للضحك .
جاسم :
اي ضحكن شماخذين من الدنيا ههههههههه .
ام شهاب :
خوش اكله هاي طيبة عاشت ايدج تراتيل .
تراتيل :
بالعافية .
انتصار :
هي كلها لوبيا وبتيته اول مره اشوف حميسه بيها لوبية .
سحر :
المهم طيبة انه عجبتني انوب منا وهيج اسويها بالعشه .
