تراتيل السقوط

الترتيلة الثانية عشر

#تراتيل_السقوط
#الترتيلة_١٢
#روز_الفياض
.
.
.
وره كم يوم رحت سويت وكالة للمحامي حتى يمشي باجراءات حصر الورث ..
بقيت عد بيت عمتي كم يوم وبعدين جدو متصل على عمتي كايللها جيبوها هنا .
عمتي :
لاتبدلين جدج خابر كال خل تجي عدنه كم يوم هسه حسين يوصلج .

تراتيل :
تعبانه ..

عمتي :
عوفج من الدلع سمعيني ابقيلج كم يوم وكليلهم مامتعوده عليكم ماماخذه راحتي اريد اكعد عد بيت
عمتي .

تراتيل :
ليش ؟

عمتي :
بيت كله ولد ومتزوجين شتسوين باقيه هناك منو يدير باله عليج كلمن حاير بروحه وهناك هاي الغثيثة مرت شهاب يومية عدهم ماتخليج وهن اصلا هسه يستثقلنج .

تراتيل :
شمسويه حتى يستثقلوني ؟

عمتي :
لازم تسأل ..
لازززمم تسأل دسمعي الكلام .. يستقلثنج لان مامتزوجة وحلوه ومثقفة وتلبسين وتكشخين وهن لا العيون عليج ترحين وتجين يخافن على رجولتهن افتهميي ..

اتنهدت وسكتت هاي البداية هيج الله يستر من بعدين ..
عمتي :
مو تنسين يومين وكليله اريد اروح يم عمتي ماارتاح هنا ..
عالاقل هنا تلكين لكمة من ترجعين من الشغل . وحسين موجود خاف تحتاجين شي ..
هناك منو الج ؟
واذا سألوج منو جابج كليلهم عمتي وحسين مو تكليلهم بس حسين ..

تراتيل :
ماشي ..

مع انه كلامها صحيح بس هم شكيت بنواياها من خلت حسين بالموضوع..

وداني حسين قبل منوصل كلي :
اذا احتاجيتي شي اتصلي ..

تراتيل :
شحتاج مثلا؟

حسين :
صدكيني راح تحتاجيني ..

تراتيل :
تحسسني كأنه احنه داخلين بتحدي .. معبالك انت ابن عمتي واني بت خالك الوحيدة ووحيدددة ماعندي احد لااب لاام لااخ لااخت .

حسين :
لا مو تحدي انت بت خالي ..

تراتيل :
انت المفروض تكول شتحتاجين اني موجود وحاضر لان انت اختي الصغيره بت خالي الصغيرة اي شي ..

حسين :
لا ههه مو اختي .. مااكدر اكلج اختي تراتيل افتهمي انه صدك افكر بيج كزوجة لذلك لاتكليلي اختي صعب ..

تراتيل :
شحجي وياك بعد ؟

حسين :
لاتحجين بس انه موجود وحاضر شتحتاجين انه حاضر ..

نزلت بدون كلام ..
دكيت الباب وفتت لان الباب مفتوح .
دخلت للبيت لاكاني جاسم :
هاا تراتيل .. عود هسه انه جاي اخذج .

تراتيل :
لا اني اجيت .

جاسم :
ياهو جابج ؟

تراتيل :
حسين وعمتي وصلوني وراحوا.

جاسم :
هاا فوتي فوتي جوه هلا بيج ..