#تراتيل_السقوط
#الترتيلة_٤٧ الاخيره
#روز_الفياض
.
.
.
انت الوحيد الذي لم اصنف علاقتي به ، كنت اراك الاكثر دائماً ، صديقي الاكثر ، حبيبي الاكثر ، كنت اراك عالمي ، عافيتي وضحكتي ، ثم يأتي من يحدثني عن الكبرياء ..
والاعتياد .. والنسيان ..
لاشيء يحدث من ذلك معي حين تكون انت ..
انت خارج حدود المنطق .
.
.
.
اتصلت على سما خبرتها بطلعة شهاب كالت :
ادري ، وصلنه الخبر عيني عبالج بس انت عندج ناس توصلج الاخبار ههههه قرة عينج حبيبتي ان شاءالله تنجمعون بالقريب العاجل .
تراتيل :
حبيبتي تقر عينج برؤية محمد وال محمد ان شاءالله .
سما :
ياارب ..
يمه قشعر جسمي من هالجملة شكد حلوه ، انت ليش هيجي من تجيبين هاي العبارات الحلوه ؟
تراتيل :
حجي اهلي هذا ، الله يرحمهم كلهم .. وحجي شهاب واهله .
سما :
الله يرحمهم .. المهم .. شكلج ؟
شكتيله ؟
شحجيتوا ؟
شتفقتوا ؟
تراتيل :
ولا شي شنتفق الرجال توه طالع خل يرتاح كم يوم وبعدين يلحك عالاتفاقيات والحجي .
سما :
اممم ..
وانت ؟
تراتيل :
شبيه ؟
سما :
تصبرين ؟
تتحملين ؟
تراتيل :
الصدك ؟
سما :
اكيد ..
تراتيل :
احس نفسي كاعده على نار .
سما :
هههههه شكنله ..
الله يساعدج حاسه بيج من يسافر قدوري للعراق وحده هيجي احس من يكول راح ارجع .
تراتيل :
ههههه معرفنالج هسه قدوري زين لو مو زين طول الوقت تحجين عليه وعلى جهاله .
سما :
ههههههه ساعة زين وساعة شالع كلبي عراقي بعد شمتوقعه يعني الحجي والمداهر بدمه ميكدر ميحجي ويداهر هههههههه .
تراتيل :
الله يحفظه الكم ويخليه .
اكلج سما ...
سما :
كولي حب ..
تراتيل :
اريد اروح لتركيا ..
سما :
شتسوين ؟
تراتيل :
اريد اروح اشوف شهاب واوديله ياسمين ..
سما :
ليش توديها ؟
تراتيل :
اريدها تبقى عنده خاف اسوي العمليه ، هو ابوها واوله واحد بيها ..
واذا صارلي شي عالاقل اكون مطمئنه عليها .
سما :
اوووي شهالحجي اليوجع الكلب ..
ميصيرلج شي كولي يارب .
تراتيل :
يارب .. بس واحد لازم يكون مرتب وضعه عالاقل ميحتار شلون يوصللها اذا صارلي شي ولا اني يبقى بالي يمها شلون توصله ..
سما :
اكلج عفيه انت ليش تردين تبجيني كوه لاتخليني استلم قدوري هو وابوه وجده لحد جده السابع عشر ..
