تراتيل السقوط

الترتيلة الرابعة والثلاثون

#تراتيل_السقوط
#الترتيلة_٣٤
#روز_الفياض
.
.
.
-القلق الذي تعيشين فيه اشد خطرا عليك من الأمور التي تقلقين منها، فالقلق بوابة لعدد لا يحصى من الأمراض النفسية والجسدية.
.
.
.
بقيت عد بيت باسل اللي هو بيت بيبي الله يرحمها .
الصبح جنت ويه غدير اساعدها بالبيت والعصر ادرس الجهال حتى التهي وبالليل جنت انزل انظف البيت جوه وارتب شغلات بيبي وجدو واطلع ملابسهم وبعض الاشياء اللي ممكن يستفاد منها الغير انطيها لاي محتاج بثوابهم ..

مرات جنت ابقى جوه وانام للصبح بفراش بيبي ..
ومرات اخلص الليل اصليلهم لحدما انعس وبعدين انام ..

وشهاب جان يمر يومية شوية ويروح يجي يجيبلي الشغلات الاحبها لو مرات يجيب عشا ويبقى يتعشى ويانه وبعدين يروح ..

تراتيل :
هاي شنو ؟

شهاب :
جبتلكم مشاوي ..

تراتيل :
مو ثكيلة بالليل ؟

شهاب :
باجر جمعة نسهر ماعدنه شي .

اتعشينه وكعدنه نباوع عالتلفزيون ..
بعدين كلتلي غدير :
لميتي الهدوم التردين تطينها ؟

تراتيل :
اي جمعتها كلها .

شهاب :
ليش ؟

تراتيل :
ملابس لبيبي وجدو المن باقيه كلت انطيها للي يحتاجها افضل .

شهاب :
عمي الله يرحمه جان عنده بشت بُني حلو مالكيتي ويه الاغراض ؟

تراتيل :
موجود ..

شهاب :
اريده ..

تراتيل :
اوكي ..
هسه اجيبه ..

شهاب :
لا انه انزل وياج .. اوكفي ..

غمزتلي غدير وضحكت ..

نزلنه طلعتله البشت كال :
اخذه عادي ؟

تراتيل :
يعني مثلاً راح اكولك لا ؟
بشت عمك انت اوله بي .. جنت صديقه ..

شهاب :
اي والله ... هو جان صديقي ..
الله يرحمه .
برغم كل اللي صار بقى صديقي ومااتخلى عني ..
هو جان طبيبي النفسي ..

باوعتله كلي :
جنتي انت تراجعين عد طبيب نفسي وانه جنت اخابره حتى احجيله مثل الطبيب النفسي .
جان يكلي انت مثل توفيق تسوي السالفة وتتندم وبعدين تدوخنه شلون وشلون هههه ..

تراتيل :
وجان صديقي اني هم ..
يمكن لو ابويه الله يرحمه عدل ميدللني بكده .
جان يكولي مادام راسي يشم الهوى سوي اليعجبج ومحد اله علاقة بيج .
خربني بالدلال ههه ..