#تراتيل_السقوط
#الترتيلة_٢٦
#روز_الفياض
.
.
.
بالدوام اتصلت علي غدير :
حجيت ويه باسل علمود بيتج ، بيت جدج وقبل بس كلي نطيها ايجار مانكعد بلوشي .
تراتيل :
هو البيت فارغ اصلا اني ممستفاده منه شي خو انتو كعدوا بي بدل متدفعون ايجار وانتو راتبكم قليل ..
غدير :
خيه مايصير هذا حق وهذا ملكج ولازم تستفادين منه حتى لو شي بسيط ..
لان البيت بمنطقه راقية وجبير ونظيف وبالمركز يعني اجاره اذا يتأجر خير من الله .
تراتيل :
بس اني مااريد احد يأجره ، الي بي ذكريات مااريد احد يدمره اريدكم انتو لان انت مرتبة حيل ونظيفة واعرف راح تهتمين بي ..
والبيت كله الكم بأثاثه بس غرفة بيبي وجدو اريدها تبقى مقفولة ..
غدير :
والله ماادري خيه هواي هذا التسوينه النه .
تراتيل :
لا والله مو هواي ، مو من مقامكم عندي الله يشهد ..
تم الاتفاق ينطوني (٢٠٠ ) الف بالشهر ويكعدون بالبيت ويهتمون بي .. وياخذون بس الطابق الفوك لان مقبولوا بالطابق الجوه لان مأثث وهمه عدهم اثاث .
رجعت للبيت شهاب ماكو ..
انتظرته عالعشا ماكو .
اتصل عليه ميجاوب ..
رحت لسحر كتلها :
شهاب اليوم اجه عالغدا ؟
سحر :
لا وين شهاب غير راح لبغداد ..
شنو ماتدرين ؟
ماكايلج ؟
مردت انطي بي كدام سحر لان ادري بيها حلكها باذن انتصار وهدى فكتلها :
هاا هاا صحيح نسيت ..
راح من بالي .
صعدت فوك دزيتله مسج :
عالاقل اكتبلي ورقه وخليها بالغرفة حتى اعرف بيك مسافر عيب اعرف من الشمات ..
قراها بالليل بس مجاوبني ..
ثاني يوم سألت غدير :
علمود الكعده مال العشاير ويه خالج راح ..
لان باسل مايكدر يروح ماعنده رصيد اجازات بعد ..
جا ماكلج رايح ؟
تراتيل :
عرفت من سحر تصدكين ؟
غدير :
يلا ميخالف حبيبتي هو الزواج دائما اوله مشاكل لحدما تتعودون على اطباع بعض هسه عرفتي شهاب شيحب وشيكره وعرفتي الاشياء التضوجه وتكدر خاطره ..
لوما يحبج مايزعل هلكد عليج .
انت هسه شوفي روحج مو ضجتي وزعلتي لان ماكلج رايح لبغداد ؟؟
جا هو شلون وانت اكثر من مره تطلعين ضامه عليه شي جبير ومو اي شي شي يخص رجال ثاني اول مره حسين ودكته الناقصه وياج لهسه هو شايل همها خاف عمتج تحجي للناس وتذبج بسالفه الله يعلم بيها ..
انوب هذا النكس ابن النكس بعد ازود وازودين من حسين هذا خرب حياتج كلها هذا غريمه تره مو اي واحد ..
لاتتوقعين الموضوع سهل بالنسبة اله ..
لو واحد غريب يمكن يغار ويخاف عليج بس مايزعل بس هذا جان عاقد عليج وانت بعد عدج كل السالفة من اولها لاخرها وتعرفين شسوه بيكم ..
لاتلومينه خيه الرجال كبريائه عزيز وشهاب صبر هواي وتعب هواي ..
