تراتيل السقوط

الترتيلة الرابعة

#تراتيل_السقوط
#الترتيلة_الرابعة
#روز_الفياض
.
.
.
‏"كان الأمر يبدو و كأنك نمت و قلبك لم ينم، تستيقظ في منتصف الليل بقلب ثقيل، بقلب خائف، خائفٌ جدًا."
🌷
🌷
مااريد اتذكر بعد ..
مااريد ..
مااريد اتذكرك ليش اتذكرت ...
ليش ؟؟
ليش ظليت الح حتى اتذكرك ..
انت اسوء ذكرى بحياتي ..

عفت سهام تحجي وكمت اخذت جنطتي وكتبي وطلعت صاحت وراي مجاوبتها ..
مااكدر ابقى بعد اسمع الباقي ..
مااحتاج اسمعه لان وجعه لهسه موجود ..
اخذت تكسي ورجعت للبيت .
دخلت بيبي جانت نايمة مصدكت ربي رحمني هالرحمة دخلت كبل لغرفتي شمرت الكتب والحجاب ونمت ..
نمت مااريد اتذكر اللي صار ..
بس حتى بنومي متركتني بحالي ..
شفتك من جديد بذاك الوضع الوضيع ويه ذيج الطالبة الوضيعه مثلك ..
مجانت مجرد خيانة ..
جانت شي اكبر واقوى واقسى من هدم جزء من روحي ..

وبكل غباء صدكتك ورحتلك للشقة حتى نتفق عالانفصال ..
رحت بدون علم احد لان مجنت متوقعه انت نذل لهدرجة .
دكيت الباب رغم جان عندي نسخة من المفتاح بس خفت افتح الباب انصدم بمنظر مقزز ثاني مع طالبة ثانية ..

اتذكر من فتحتلي الباب ابتسامتك اللي جانت اجمل ابتسامة بالكون عندي صارت هسه اكثر شي اكرهه بحياتي ..
اتمنى يرجع العمر وامحيك كلك من حياتي حتى مااتذكر ذيج الضحكة الخبيثة المريضة ..
تراتيل :
شتريد ؟

مبين :
منو اجه وياج ؟

تراتيل :
محد .. شتريد ؟

مبين :
منو يدري بيج جايه هنا ؟

تراتيل :
خلصني مبين شتريد ؟؟

مبين :
حقي .. مااريد اكثر من حقي

تراتيل :
هو بس المهر بعد ياحق ؟

اتذكر كلاص العصير الخليته كدامي .. كلاص السم ..
وبكل براءة ماادري غباء ماادري نية صافية اخذته شربته !!!!

مبين :
ليش مستعجله عالخراب ؟
دخلينه نتفاهم من اول مشكلة گلبتي عالبطانة ..

تراتيل :
على شنو نتفاهم ؟
هذا مرض .. الخيانة مرض .. وانت انسان مريض .

مُبين :
اوكي مريض ماكو مشكلة .. عالجيني انت عالجيني ..

تراتيل :
اني مو دكتورة نفسية حتى اعالج مرضى نفسيين .

صار عصبي رفس الطاولة برجله ..

مُبين :
احتررررمييي نفسسججج ..
هذا المريض الماعاجبج الف وحده تتمناه وزين منه وقبل يرتبط بيج ..

فتحت عيوني مصدومة :
نعم ؟؟
اذا متصور تخوفني بعصبيتك هاي فانت غلطان ..
واذا عالمهر الدافعه يرجعلك واحسب مصاريفك وهم ترجعلك الحمدلله عيونه متروسه وشايفين خير ..
والالف وحده اللي تتمناك اكيد من نفس النمونه الجانت وياك مو ؟