تراتيل السقوط

الترتيلة العاشرة

#تراتيل_السقوط
#الترتيلة_العاشرة
#روز_الفياض
💐
💐
💐
-مو انه اليظل محروگ نص كلبه ..
ولاآنه التكول عليه عفته وصرت ماارغبه ..🤌🏻
.
.
.
رجعت للبيت ضايجة ودمعتي على خدي ..
بيبي :
شبيج ؟
اشو بسرعة رجعتي ؟

بجيت ..

بيبي :
شبيج ؟ شصار ؟

كتلها واني ابجي :
ليش رجعتيني اهنا ؟
ليش ؟

بيبي :
شبيج ؟

تراتيل :
بيه سوالف تدمر نفسية اكبر واقوى مره ..
الناس ليش متكدر تعوف احد بحاله ؟

بيبي :
لج احجي خرشتي گلبي ..

تراتيل :
شحجي ؟؟  انت المفروض تحجين وتكوليلي شصاير قبل ؟
لاتحاولين تقنعيني بس مصيبة مبين ..
كل يوم تنكشف شغلة احجي وخلصيني خليني اعرف شسوي بعمري اشرد وانهزم وارجع منين مااجيت لو ميفيد ..
احرك روحي واخلص ؟؟
لو شنو اسوي ؟

بيبي :
استغفر الله واتوب اليه ..
وين رحت حجي وعفتني للقهر ..
اني مره جبيره امراض الدنيا كلها بيه وانت همج وحد فوك الحمل تچماله ..

مسحت دموعي كتلها :
تعاركوا مبين وشهاب ..

ضربت خدها بيبي :
يااا .. وين وليش ؟
شهاب وين يعرف مبين وين شافه ؟

حجيت لبيبي الي صارت عصبية :
يعني شفتي مبين وحجيتي وياه واني ماادري ؟
مادام تعرفين هو رجع يداوم بالجامعة ليش داومتي ؟ مو تدرين شهاب يداوم همه شمتوقعه يصير مثلا ؟
تراتيل :
ليش اني ادري منو مبين وشلون شكله ورجع يداوم لو لا ؟؟
مو راح يصيرلي سنة اتوسل بيكم تحجولي متحجون ..
شمدريني شهاب مجان يدري وميعرفه ؟؟
شمدريني انتو متقبلون تحجون من اكول اني احس نفسي مثل العميه متصدكون ..

اندك الباب كتلها :
هذا شهاب اكيد ..

لبست بيبي حجابها وطلعت وهي تدردم :
الاكيها منين منج ؟
لو من هذا الكلب ابن الكلب الرجع طلعلي مدري منين ؟
انوب اجاني شهاب يحاسب عالصغيره والجبيرة ..

دخلت ابدل ملابس مااريد يتخيل اني جنت دانتظره ..
اسمعه يحجي ويسولف ويه بيبي بس مااعرف شيكولون ..

خلصت لبس وفتحت الباب ..
اجت بيبي  :
يمه شهوبي يسال يريد ..

تراتيل :
هلوو .. شهوبي !!!
الظاهر اقنعج من اول كلمتين ، ولو انت متحتاجين منه اقناع انت مقتنعه اصلا .

بيبي :
بلا لغوه روحي احجي ويه الولد هذا ابن عمج من حقه يسال ويستفسر ويتأكد ..

تراتيل :
يتأكد من شنو ؟؟

بيبي :
حطي حجابج على راسج ولحكيني .