تراتيل السقوط

الترتيلة التاسعة

#تراتيل_السقوط
#الترتيلة_التاسعة
#روز_الفياض
🍃
🍃
🍃
-لاتنعاف علم روحك تعوف ..
-صير انت المحطة وهمه الضيوف .🌺
.
.
.
بعد مراح حسين دكت بيبي الباب فتحته  :
راح ؟

بيبي :
راح ..

تراتيل :
بطران ..

بيبي :
تعالي خل احجيلج فد شي ..

رحت كعدت يمها بالصالة :
احجي فوفو احجي شعندج من اسرار شضامه علي ..

بيبي :
من جان جدج الله يرحمه عدل مره من المرات اتصلت عليه عمتج من جنه بعدنه بأمريكا ..

تراتيل :
كمل ياجميل ..

بيبي :
حجت وياه على حسين واشتكت حالته علمود الجهال وهالموضوع هذا ..

تراتيل :
اممم .. كملي كملي اشجيني .

بيبي :
وكلتله عليج ...

سكتت بيبي منتظره رد فعلي باوعتلها :
كلتله علي ..
تريدني لحسين ؟

بيبي :
اي .. بس جدج مقبل واتعاركوا هو وياها .

تراتيل :
ليش جدو مقبل ؟

بيبي :
لان حسين قبلها هم جان محاجيج وانت مقبلانه بي ..
فجدج رفض علمودج لان انت مجنتي رايده حسين .

تراتيل :
حسين ؟؟
هم محاجيني قبل ؟؟

بيبي :
اني هسه رزلته وحجيت عليه ، بس هو شكله مراح يجوز منج .. انت بعد القرار الج .
اني مااغصبج بعد انت تتحملين مسؤولية قرارج .
وحتى بالنسبة لشهاب انت تتحملين مسؤولية قرارج ومشاعرج اني الولد احبه بس مادام هو ماعنده لحد الان مبادرة او خطوه جاده تجاهج فانت لاتبادرين .. خليج عزيزة امي انت .

تراتيل :
حسين من سابع المستحيلات اوافق عليه ..
حسين اخوي مو اكثر ..
وبعد تصرفه هذا ماممكن اوافق عليه يعني محاجيني قبل واني رافضه وهسه يحاول يستغل نسياني للماضي وجاي يكلي المثلج ماعدها فرص للزواج لان عليها سمعه ..
بعدين خلاني بموقف مو حلو كدام رواء واهله شيكولون علي هسه ؟
شهاب ...
هم ماعندي استعداد اذل نفسي علموده . اني احبه اعترف بس الحب مو كل شي .. كرامتي فوق كل شي .

بيبي :
عفيه عليج خليج هيجي اذا ميخطي هو باتجاهج انت لاتتزحزين من مكانج .
اني اريد انطيج لليستاهلج ..
مااريد عكب عيني تتأذين وتعبين .. اريدلج قسمة زينة واحد كون انت مقتنعه بي واني مقتنعه بي ومحد يكدر يطلع بي اي عيب ..
اريدلج رجال ..

تراتيل :
مااظن اكو واحد بهالمواصفات ..

بيبي :
بعدج صغيره والعمر كدامج .. بدل الواحد عشره .