تراتيل السقوط

الترتيلة السابعة

#تراتيل_السقوط
#الترتيلة_السابعة
#روز_الفياض
.
.
.
-اعتذر لنفسي حقاً على تحملي فوق طاقتي ،اعتذر لنفسي على كل مرة نمت بها باكية ، اعتذر لنفسي على كل مرة وثقت فيها بانسان وخذلني بعدها ، اعتذر لنفسي على وحدتي وتجنبي للاخرين ، اعتذر لنفسي على كل شيء ...
🌷
🌷
🌷

بقيت ساكته مستصعبه الكلمة لان اذا كلتها راح يتغير كل شي وتبدي مشاكل جديدة وبنفس الوقت ادري بنفسي حبيته وحبي اله مراح يخليني ابتعد عنه حتى لو اتزوج راح ابقه اتصل عليه واراسله اتصور هيجي راح يصير وراح اسببله مشاكل مع زهراء لان الي يحب يصير اناني ..
ماراح اكدر اقاوم مشاعري وابتعد واعتبره واحد غريب مثلي مثل اي واحد ..

غمضت عيوني متردده وبنفس الوقت اكو شعور يدغدغ شعور جميل وحلو وطفولي يشجعني احجي ..
بلعت ريكي :
مااريد اسببلك مشاكل ..

شهاب :
يعني الجواب شنو ؟

تراتيل :
الجواب حيأذيك ويأذيني ..
اني مااريد اسبب مشاكل لاالك ولا لزهراء ولا اي احد ..

شهاب :
الجواب شنو ؟؟
صعبه الكلمة عليج ؟

بقيت ساكته لان احسها فعلا صعبة وهالكلمة بذات رغم هي مجرد كلمة لكن دمارها جبير من تجي بالوقت الغلط ..
شهاب :
غمضي عيونج .

رجعت غمضت ..

شهاب :
فكري بيه شويه شتشوفين ؟
شتحسين ؟

ابتسمت لارادياً  :
بدون مااغمض وبدون مااشوف ..
اني اعرف نفسي احبك ..
بس هالشي غلط لان ...

مخلاني اكمل :
بسسس ..
هاي هي ...
اني احبج وانت تحبيني ..
انتهى الموضوع .

ضحكت :
بهالبساطة ؟

شهاب :
بهالبساطه ..
اثنين واحد يحب الثاني ماكو ابسط منها .

ضحك .. ورجع ضحك .. ومن حجه حسيت الفرحة بصوته :
اففف ...
تراتيل شسويتي بيه ..

ابتسمت بخجل  :
شسويت ؟

شهاب :
احس روحي فوك الغيم ..
احس روحي مكبسل هههههه اول مره احس بروحي بغير عالم .

بدا الصداع عندي يزداد كلش تأذيت :
عندي صداع فضيع ..
تؤ .. احس دماغي راح يتطشر .

شهاب :
اخذتي براستول او بندول ؟

تراتيل :
آخخخ .. اي اخذت .. يايابه ..

حسيت نفسي اني الرحت لعالم ثاني ..
مااردي حلم لو حقيقة لو هاي ذكريات ..
الغرفة ظلمة وعيوني كوه مفتوحه واحس نفسي مخدرة مكدرت اتحرك ..
حاولت اكوم حاولت احجي مكدرت ..
شفت واحد يتقرب علي بالظلمة .. انرعبت ..
اريد اصرخ مااكدر ..

بهاللحظة حسيت التليفون وكع من ايدي ..
بديت احاجيه ماادري صوتي يطلع لو لا بس جنت احاجيه :
لاا .. عفييه .. لااا ..
مُب .. مُبيي .. ن .. لااا ..