تراتيل السقوط

الترتيلة الثامنة والعشرون

#تراتيل_السقوط
#الترتيلة_٢٨
#روز_الفياض
.
.
.
لا تُحدثني عن الأحتمالات والأسباب
( من تشتاقلي أحضنّي ♥️)
.
.
.

لزموا بينه باسل وغدير الا نتعشا يمهم ..
باسل طلع يغسل السيارة ووياه شهاب واني نزلت اخذت كم شغلة من جوه واخذت شيلة بيبي احس ريحتها بعدها بيها ..
صعدت ساعدت غدير سوينه عشا ..
درست ابنها وبتها انكليزي ، دخل شهاب كعد يمي :
ها ست خلص الدرس لو بعده ؟

تراتيل :
بعد شوية ..

شهاب :
زين ماكو فرصة ؟

تراتيل :
لاا ، شتريد ؟

شهاب :
نحجي نسولف صار شهر ماحاجين غير بس شكالت سوالف كبل وشحجت سهام وذاك الزفر ..

تراتيل :
خمس دقايق بس ونخلص وبعدين حله مو فرصة .

خلصت ودرت عليه هو يباوع بالنقال :
حبيبي ؟

شهاب :
اممم ؟

تراتيل :
خلصت ..

خله تليفونه واتنهد حيل وخله ايده على جتفي كلي وهو يباوع لوجهي :
اريد اخذج وانهزم بيج ..

تراتيل :
ياريت .. تسوي فضل .

شهاب :
كون مثل الافلام نعيش بجزيره وحدنه ..

تراتيل :
كون ...
منا وهيج لازم الواحد ياخذ حذره وهو يتمنى ..

شهاب :
ليش الله كريم وماكو شي فوق مقدرته ( ادعوني خوفاً وطمعا ) لاتستحين تطلبين من الله سبحانه وتعالى ولاتترددين وتشوفين امنيتج مستحيلة لان الله سبحانه وتعالى اكبر واعظم من كل شي ماكو عنده شي مستحيل ..

تراتيل :
ونعم بالله ..
بس اني كلما اتمنى شي انصدم ..
كلما اريد اعرف شي عني وعن حياتي اتندم ..
اخاف اتمنى شي واندم بعد ولو ششوف بعد وشسمع ..
احس نفسي ممصدكة سهام تخدعني ...
اقرب صديقة الي لا صديقتي الوحيدة والي تعرف عني ادق اسراري ..

شهاب :
طعنة الغدر دائماً من الاشخاص لقريبين ..
الغريب اذيته ماتموت خدوش وكدمات اصاباته سطحية ..
بس القريب هو اليطعن ويخون ويكسر كلبك ويسلمكياه بيدك ويكلك كافي لو بعد ؟؟

تراتيل :
لا ..
اني احس حياتي كل ميصير بيها حدث تكول هل من مزيد ...

ضحك ..

تراتيل :
والله اني شايفة الناس تصير عدهم مشاكل بالسنة مره بالشهر مره مو كل اسبوع لو كل يوم !!!
اني فگر لو افكاري دتجلب هيجي اشياء ؟؟

شهاب :
انت ورد ..
انت هيل ..
انت گمر تالي الليل ..

ضحكت :
وااو شنو هاي شاعر حبيبي صاير لو ادري مهزومه من زماان حتى افجر الطاقات والمواهب العندك .

ضحك :
انه رومانسي بس انت ماعدج نظر راسملج اقل شي خمسين لوحه كلها انت وعيونج وشعرج ... ولاحسيتي بيه ..
صرت شاعر علمودج هم ماعجبج شسويلج اكثر ؟