تراتيل السقوط

الترتيلة الثانية والثلاثون

#تراتيل_السقوط
#الترتيلة_٣٢
#روز_الفياض
.
.
.
‏مضى زمن طويل وانا امضي هكذا بهذه العشوائية، سقطت مني احلامي وأمنياتي وقوتي التي كانت دواء لأوجاعي، لم أتوقف لألتقط كل شيء سقط، امضي هكذا وفي صدري مخاوف، اخاف ان اقف وحدي فأسقط، اخاف ان اسقط فلا يلتقطني احد، اخاف ان امضي فيمضي الزمن معي ولا أصل!
.
.
.
قررت اسافر ومن فتحت الموضوع خالتي مقبلت :
لاخالة لا رجلج ميقبل لاتخربين بيتج المره التطلك مرتين وتلاثة مالها امل تتزوج بعد ويصير عدها بيت وعائلة حتى اليحبج ويريدج هم عقليته هيج مجتمعج ميخليه هم يكول شبيه متزوج وحده متطلكه تلث مرات ..

تراتيل :
اني مقررت شي لهسه ومكلت راح اتطلك بس اني من اجيت لهسه كله مشاكل حياتي مابيها لحظه هدوء اريد اسافر ارتاح فد شهر من هاي الناس ومن التفكير ..

خالتي:
مابيها شي من حقج بس كوليله وهو ياخذج ..

تراتيل :
هو ياخذني ؟
لعد المن مسافره اني ...
خاله اريد اسافر وحدي مااريده وياي حتى اكدر اوصل لقرار يكون بارادتي وبقناعتي مو مجبره عليه ولابتأثر وضغط من احد ..

خالتي :
شنو الحل فهميني ؟
هو مراح يخليج تسافرين وحدج ..

تراتيل :
اصلاً اني هذا الصداع دمرني من اجيت لهسه ولازم اسافر اسوي فحوصات عالاقل اطمئن على نفسي يمكن يكون شي بسيط واني هاملته وبعدين يكبر ويتطور ..

خالتي :
اي صدك بس هم مراح يخليج تسافرين وحدج ..
رجلج مبين يحبج اجه بس حتى يطمئن عليج ورجع ثاني يوم ، اتحمل الطريق وتعبه علمود يتأكد مابيج شي شلون يخليج تسافرين وحدج ؟

تراتيل :
مراح اسافر وحدي ..
اخذج وياي ..

صفنت خالتي بوجهي :
ياا حتى جواز معندي ..

تراتيل :
نطلع جواز ماكو مشكلة وبالمره اني هم اطلع جواز عراقي لان جوازي العراقي راح الله يعلم وين صار والامريكي عند شهاب وبكل الحالات مراح ينطينياه حتى لو هو سافر وياي ..

خالتي :
بس متسافرين بدون علمه ..

تراتيل :
ماشي راح اكوله والله كريم .

وبدينه باجراءات الجوازات وروح وتعال وخصوصا اني لازم معاملة بدل فاقد يعني دوخه راس وانتظار وشلعان كلب الى ان خلصت وخلال اسبوعين كملت لان رامي يعرف ولد بالجوازات حاول يقدم موعد الاستلام .

هنا لازم احاول اقنع شهاب ومتاكده لو كتله راح يجي حتى هو ياخذني ..
لذلك اتصلت على جدو اللي بدا وياي بعتب على طول الغياب وعدم سؤالي عنهم ..
فحجيتله وضعي الصحي فقط مردت ادخل بتفاصيل تخص وضعنه اني وشهاب :
اريد اروح لتركيا علمود اسوي فحوصات واتأكد ..
خاف بعدين تطلع عندي خثره مثل شهاب ..

جدو :
لا ان شاءالله ماكو شي مابيج الا العافية بس ليش ماتخلينه هو يوديج هو يروح معاج ؟