تراتيل السقوط

الترتيلة الثانية والعشرون

#تراتيل_السقوط
#الترتيلة_٢٢
#روز_الفياض
.
.
.
‏يؤذيني أنني لا أنسى، ويؤذيني أكثر أنني لا أتذكّر بكائي الأخير...💔
.
.
.
فزيت على صوت غدير تصيح يمي :
ماادري شبيها دخلت لكيتها فاقده ..
خل نشيلها .. بسرعه بسرعه ..

باوعت شفت شهاب دنك علي كمزت .. غطيت وجهي بايدي ..
رأساً هو ابتعد ..

غدير متدري شصاير الظاهر كلتله :
شبيك ؟

رجع راد يلزمني من ايدي يكومني دفعت ايده ..
شهاب :
وبعدين ؟؟

غدير ظلت مستغربه :
خل يساعدج لاترجعين توكعين ..

تراتيل :
خل يطلع بره ..
اني اكوم ..

غدير:
شبيج ؟؟
شهاب شسويتلها ؟

تراتيل :
مسوالي شي بس خل يطلع ..

طلع واني كمت وذبيت ازار الصلاة وكعدت صافنه اني جنت احلم لو صدك رجع ضربني ؟؟

غدير :
شبيج ؟
شتحسين ؟
عندج دوخه دوار شي ؟

تراتيل :
ميته ..
شايفة ميت يحس ؟

غدير :
اسم الله عليج .. شنو راسج يأذيج ؟

تراتيل :
الا شوية لو اكدر اكوم جان ضربته بالحايط من الوجع ..

غدير :
ادري غير ترحين للطبيب شمتانيه انت ؟
هاي شقيقة والشقيقة تدمر مو عبالج تكدرين تتحملين وجعها ..

دمعت عيوني :
بقت عالشقيقة مااتحملها ..

غدير :
زين شبيج ويه شهاب ؟

تراتيل :
انت شجابج لغرفتي ؟

كلتلي بصوت ناصي :
اوكفي خل اشوف شهاب وين راح ..

فتحت باب الغرفة باوعت :
ها بعدك هنا ؟

شهاب :
شنو ؟ شبيها ؟

غدير :
لا ماكو شي عبالي نزلت ..

شهاب :
تردين شي ؟

غدير :
لا سلامتك مااريد شي .

دخلت وسدت الباب وكعدت يمي :
بعده بره عبالي نزل ..
اكلج منو كايله على سالفة الحبوب المانع ؟
لان اجه سألني واتحجتت بيج لان ماادري سمع منج لو من جاسم حتى اعرف شجاوبه ..

تراتيل :
اني كتله ..

غدير :
ليش كتيله هسه جا خليتيها بعدين باسل يفهمه ؟
انه من سألني احتاريت بس كتله خل اصعد اشوفها شو دكت علي خاف بيها شي عود جذبت لحد ما اسألج شنو انوب طلعتي صدك طايحه وفاقده !!!
هو هم نسه السالفة من كتله خاف طايحه اجه وراي يركض ..

بقيت ساكته كالت :
يعني اذا سألني شكله ؟

تراتيل :
الصدك ، اني حجيتلج الصار كله وانت هم تعرفين من جاسم الباقي من راح لبيت عمتي شنو كلوله ؟