تراتيل السقوط

الترتيلة الخامسة عشر

#تراتيل_السقوط
#الترتيلة_١٥
#روز_الفياض
🍃
🍃
🍃
اخذني حسين بالسيارة اشرينه شغلات لتوته ..
واشترالي علاكة حلويات وكرزات ورجعنه للبيت .

حسين :
هسه ماراح تحجين ؟

تراتيل :
اتصل بهدى تحجيلك ..

حسين :
براحتج مااريد اضغط عليج ، بس تره والله العظيم مابيني وبين هدى شي .

تراتيل :
عندك او ماعندك هذا شي ميخصني ..
انت خسرت رواء وانتهى الموضوع .

حسين :
رواء انه مابعتها ولا ردت اطلكها بس هي باعتني وماقبلت اتزوج ، انه ماجانت ناوي اطلكها حتى اتزوجت وهذا من حقي لان هي عدها مشكلة بالرحم بعد مايصير عدها حمل هم اريد يصير عدي جهال اسمع طفل بالبيت يصيحلي بابا ..
انه هم بشر اغلط وعندي ذنوب مااكلج معصوم بس انه احبها و حاولت بكل الطرق اقنعها ترجع بس هي راسها والف سيف الا تطلك ..

تراتيل :
شلون تحبها وقبل شوية تكول تحبني ؟
ارسالك على بر .

حسين :
جا هو الله سبحانه وتعالى شلون حلل للرجال اربعة لو مايدري كلبة يتحمل يحب اكثر من وحده .. احبها جنت ..
حتى احجيلج الصدك جنت احبها ، بس انت يعني ماحسيت بمشاعر تجاهج الا من رحتي لبيت جدج .
حسيت بفراغ واشتاقيتلج وحسيت البيت فارغ من ادخل .
انت رغم هدوئج بس جنتي مسويه بي حس .

تراتيل :
حس من الكآبة ..

حسين :
لا انت هسه كئيبة وضايجة لان من اجيتي لهنا ولهسه احداث هواي صارت تسبب الكآبة وماتتذكرين شي بس قبل جنتي فرفوشيه وتحبين الضحك والسوالف ..
وعصبية ههههه .

تراتيل :
حسين ..

حسين :
اممم ؟

تراتيل :
كولي الصدك .. ليش خطبتني اكثر من مره .. قبل من جنه بامريكا وكتلك لا وهسه هم رجعت فتحت الموضوع قبل متموت بيبي ؟

حسين :
تتذكرين ؟؟ زين ..

تراتيل :
تره ماعندي زهايمر واتذكر كل شي تقريباً ..
مو تكول جنت تحب رواء ؟ لعد شلون خطبتني قبل ؟

حسين :
ها .. هههه .. احجيلج الصدك ؟

تراتيل :
ياريت ..

حسين :
جنه انه وراء بيناتنه مشاكل هم جانت واصله للطلاك بسبب مشاكلها هي وامي ..
وانه جنت افكر اذا طلكتها مااريد ابقى بالعراق بعد ..
ماكو غيرج يطلعني .. هههه مصلحة يعني بوقتها .

تراتيل :
اممم ...
وهسه ؟؟
لاتكلي مشاعر .. مشاعرك جديدة بعدها بالباكيت بس انت رجعت حجيت وياي قبلها ؟

حسين :
انت صغيرة بس عقلج جبير وذكية .
هسه ...

قاطعته :
هسه علمود فلوس الورث ؟

التفت علي باوعلي متفاجأ ..
بقى ساكت شوية بس حسين مو من النوع اليخجل لو يسكت من يرتبك لو من يغلط ..
ابن سوك ويعرف شلون يلف الحجي ..
حسين :
هم واحد من الاسباب .. مابيها شي تره انت بت خالي وانه ابن عمتج ومن حقي اخاف عليج لان انت هسه اليتقدملج تره اول مايفكر هاي عدها فلوس وعدها ورث .
والرسول عليه الصلاة والسلام اله حديث ( تُنكح المرأة لاربع :
مالها وجمالها ونسبها ودينها ) .
شوفي ذكر المال قبل كل شي ، رغم هو مو شرط لكن هذا اهم الاسباب بعدين الجمال والنسب والدين ..
وانت كلهن حاويتهن مال وعندج وجمال حدث ولاحرج والنسب انت بت خالي ماكو احسن من هيج نسب والدين بعد انت حتى صلاة الفجر تكعديلها ..