#تراتيل_السقوط
#الترتيلة_الثالثة
#روز_الفياض
🌺
🌺
🌺
- " لن تجد إنسان قوي دون ماضي مؤلم ، لا أحد يصل
لمرحلة العقلانيه دون أن يدمر شيء ما في داخله " 🖤 !
.
.
.
ظل شهاب كل يومين تلاثة يجي يتغدا عدنه ويروح وكلما يجي جان يعلمني شي جديد عن الدين والاسلام .
علمني الوضوء وجابلي كتب بسيطة عن الصلاة والوضوء والحجاب ..
ويحاول يقنعني اتحجب :
والله حلو عليج الحجاب .
ابتسمت بحزن كتله :
متعرف ليش نزعته ؟
شهاب :
يجوز جنتي مامقتنعه بي لذلك اريدج تقتنعين والله احسنلج ، انت ماتخافين على روحج من الحسد ؟
ضحكت على كيف :
على شنو انحسد ..
ماعندي شي يسوه انحسد عليه ..
بقى ساكت شوية بعدين اتغير وجهه وكلي:
بالله شوفي عمتي وين .
تراتيل :
ليش ؟
شهاب :
اريد احجي وياج بموضوع .
كمت شفت بيبي تصلي .
تراتيل :
تصلي .
شهاب :
خوش .. بدون مقدمات شنو بينج وبين حسين ؟
باوعتله باستغراب :
ياحسين ؟
حسين ابن عمتي قصدك ؟
شهاب :
ماعدنه حسين غيره ، شنو بينج وبينه ؟
تراتيل :
شنو بيني وبينه ماكو شي ..
شهاب :
اكيد ؟
تراتيل :
سؤال ماصخ ..
شنو مناسبة هالسؤال ؟
شهاب :
ماكو مناسبة مجرد شفتج وياه بأكثر من مره كاعدين وحدكم او جايين او رايحين .
تراتيل :
طبيعي لان اني مااندل اروح واجي وحدي ولان جنت كاعده عدهم وهم لان ماعندي احد يوديني او يطلعني غيره .
سكت ..
تراتيل :
ليش تسأل ؟
شهاب :
ولاشي بس الانسان من يصلي لازم يكون مبتعد عن كل المحرمات والمنكرات ..
وانت هسه عندج فرصة جديدة حتى تتغيرين للاحسن وتواصلين صلاتج .
بعدها بكم يوم جنت مخليه شريحة لتليفوني واتصلت على سهام صديقتي واتفاجأت برجوعي للعراق واتفقنه نلتقي فد يوم.
بنفس اليوم اجانه شهاب جايبلي كتب جديدة حتى اقراها .
شهاب :
شلونج ؟
تراتيل :
كلش ضايجة
شهاب :
ليش ؟
تراتيل :
مليت من الحصره بالبيت .
شهاب :
جنتي تشتغلين هناك ؟
تراتيل :
كل مده اشتغل شي بس آخر شي اشتغلت معلمة لغة انكليزية .
شهاب :
افف معلمة ؟ هاي تاليت التعب والدراسة هههه .
تراتيل :
شنو جنت اشتغل هنا ؟
