ဗီလိန်လေးများ၏ မေမေဖြစ်လာရခြင်းအတွက် ရုန်းကန်ရမှုများ(Myanmar Translation )

Chapter(21)

Unicode~

Chapter(21) ကျောင်းသို့ အလည်အပတ်သွားခြင်း

သူ့၏အရင်ဇနီးဟောင်းမှာ တစ်ဝက်တစ်ပျက် အကြောသေခြင်းသာဖြစ်ကြောင်း လက်ခံပြီးနောက်တွင် ကျီရွှမ်က အပေါ်ထပ်သို့ အမူရာမဲ့သည့်မျက်နှာဖြင့် တက်သွားတယ်။

“စကားမစပ်၊ ကျီရွှမ်ရေ၊ မနက်ဖြန်ကျ ရှောင်ကွမ်းကို သူတက်ရမယ့်မူကြိုဆီ အလည်ခေါ်သွားကြမယ်နော်!” ရှောင်ယွီက လက်ထဲတွင် စွပ်ပြုတ်ပန်းကန်နှင့်အတူ ဘီးတပ်ကုလားထိုင်ပေါ်တွင် ထိုင်ပြီး ခေါင်းကို ငုံ့၍ စွပ်ပြုတ်တစ်ငုံ သောက်လိုက်တယ်။

ကျီရွှမ်က ပြောတယ်: “ဟုတ်ပြီလေ၊ မနက်ကျ ယွီလေးတက်ခဲ့တဲ့ကျောင်းကို အရင်သွားကြတာပေါ့”

“ကျွန်မ သဘောတူပါတယ်! ရှောင်ကွမ်းက အဲ့ဒီအကြံကို သဘောကျရင်ပေါ့လေ” ရှောင်ယွီက စွပ်ပြုတ်နောက်တစ်ငုံ ထပ်သောက်တယ်။

ကျီရွှမ်: “……မင်း စွပ်ပြုတ်သောက်နေတာကို မရပ်နိုင်ဘူးလား? ၊ အဲ့ဒါမှ ငါတို့ သားရဲ့မူကြိုကိစ္စကို သေချာပြောလို့ရမယ်မလား?”

“မရပ်နိုင်ပါဘူး” ရှောင်ယွီ့၏ ဒုတိယပြန်ပြောလိုက်သည့် စကားတစ်ခွန်းက “ဒါက အရသာရှိတယ်!”

ကျီရွှမ်: “…..ငါ မင်းကို အငတ်မထားပါဘူး!”

ရှောင်ယွီက သူမခေါင်းကို မော့၍ ပြောတယ်၊
“ ရှောင်ကွမ်းကို မေးလိုက်လေ!”

ကျီရွှမ်က လှည့်၍ ရှောင်ရော့ကွမ်းကို ကြည့်တယ်။ သူ စကားမပြောရသေးခင် ရှောင်ရော့ကွမ်းက သူ့ကို ပြောတယ်: “သားက မေမေကြိုက်တဲ့ဆီကို သွားမှာ”

ကျီရွှမ်: “…….” သူ မနာတွေလို၊ သဝန်တွေတိုပြီး မုန်းနေပါပြီနော်။

နောက်တစ်နေ့မှာ ရှောင်ယွီက အရင်တုန်းက ကျီရွှမ် ဆေးရုံကို ယူလာခဲ့သည့် ဒူးအထိအရှည် ပန်းရောင်ဝတ်စုံလေးကို ဝတ်ထားတယ်။ သူမက ဆံပင်ကို ပန်းရောင်ဖဲကြိုးလေးဖြင့် ဆံထုံးထုံးထားပြီး ဖဲကြိုးလေးကို ဖဲပြားပုံစံလေး ချည်ထားတယ်။ ချက်ချင်းလက်ငင်းပင် ရှောင်ယွီက 25နှစ်အရွယ် တစ်ကိုယ်တော်မေမေအဖြစ်မှ အသက်18နှစ်အရွယ် ကလေးမျက်နှာနှင့် အထက်တန်းကျောင်းသူလေးအသွင် ပြောင်းလဲသွားတယ်။