Unicode~
Chapter(29)ကျရှုံးမှု
ရှောင်ယွီ၏ဘဝက စိတ်မကောင်းစရာရောကျရှုံးမှုတစ်ခုပါ ဖြစ်ခဲ့တယ်။
သူမက သူမအမေ မျှော်လင့်ထားသည့်အတိုင်း စန္ဒယားပညာရှင်တစ်ယောက်ဖြစ်လာရန် ကျရှုံးခဲ့သည်။ သူမက လူမသိသူမသိစန္ဒယားဆရာမအဖြစ် အဆုံးသတ်ခဲ့တယ်။ အတုံးသတ်မှာလည်း သူမသားကို ကျီမိသားစုဆီပြန်မခေါ်သွားနိုင်ခဲ့ပေ။
သူမမျှော်လင့်ထားသလို စန္ဒယားအတွက်ပါရမီမပါခြင်းက အရမ်းသနားစရာ ကောင်းလွန်းလှတယ်။ သူမမိဘတွေနှင့် သူမနောက်ဆုံးအကြိမ်တွေ့ချိန်ကလည်း ရန်ပွဲနှင့်သာ အဆုံးသတ်ခဲ့တယ်။ သူမက သံသယရှိထားသည့် လူသတ်သမားရှာဖွေရန်အတွက် မစီစဉ်နိုင်ခဲ့ပေ။ နောက်ဆုံး သူမ၏ဂုဏ်သိက္ခာကို ခဝါချချိန်တွင် သုမ၏ခင်ပွန်းက အခြားမိန်းမတစ်ယောက်နှင့် လက်ထပ်သွားသည်ကို ရှာတွေ့ခဲ့တယ်။ ဒါကြောင့် သူမက သေလမ်းကို သနားစရာလျှောက်လှမ်းခဲ့ရတယ်။
ဝမ်းနည်းစရာကောင်းတာက သူမက မှန်သည်ဖြစ်စေမှားသည်ဖြစ်စေ သူမ၏အတ္တကို ခဝါချရန် ခေါင်းမာမာနှင့်ငြင်းဆန်ခဲ့တယ်။ သူမက သူမသမီးအပေါ် တာဝန်မကျေခဲ့ပေ။ သူမက သူမသမီး၏မိထွေးက လူကောင်းတစ်ယောက်မဟုတ်မှန်း သိပေမဲ့ သမီးအတွက် ဘာမှမလုပ်ပေးခဲ့ပေ။ အဲ့ဒီအချိန်မှာ သူမက အကြောသေနေပေမဲ့လည်းပေါ့။
မူလခန္ဓာကိုယ်ပိုင်ရှင်က ရှောင်ရော့ကွမ်း အသက်ခြောက်နှစ်အရွယ် မူလတန်းကျောင်းတက်ချိန်တွင် သေဆုံးသွားခဲ့တယ်။ ရှောင်ရော့ကွမ်းက သူမကို သုံးနှစ်မျှစောင့်ရှောက်ခဲ့ပြီး ရှောင်ရော့ကွမ်း မူလတန်းတက်သည့် ပထမပတ်တွင် ဆုံးပါးသွားခဲ့တယ်။
ရှောင်ရော့ကွမ်းက သောကြာနေ့ ကျောင်းဆင်း၍ အမှတ်ပြည့်ရသည့်အဖြေလွှာနှင့် ပျော်ရွှင်မြူးတူးစွာ အိမ်ပြန်လာခဲ့တယ်။ ထိုနေ့တွင် မူလပိုင်ရှင်က ဘဝတစ်ပါးသို့ ကူးပြောင်းသွားခဲ့ပြီ။
သုံးနှစ်ကျော်ကြာ အကြောသေပြီးနောက်တွင် သူမက ဆက်အသက်ရှင်သန်နိုင်စွမ်းမရှိတော့ပေ။ သူမမထွက်ခွာခင် သားဖြစ်သူအတွက် ခံစားခဲ့ရသဖြင့် တစ်ယောက်ယောက်အား ပိုက်ဆံပေး၍ ကျီရွှမ်ကို ရှာခိုင်းခဲ့တယ်။
ESTÁS LEYENDO
ဗီလိန်လေးများ၏ မေမေဖြစ်လာရခြင်းအတွက် ရုန်းကန်ရမှုများ(Myanmar Translation )
RomanceChapters-122chapters Genre-comedy,josei,romance,slice of life I do not own this story. All credits go to original author.