ဗီလိန်လေးများ၏ မေမေဖြစ်လာရခြင်းအတွက် ရုန်းကန်ရမှုများ(Myanmar Translation )

Chapter(32)

Unicode~

Chapter(32) ကြောင်သူတော်

ကျီရွှမ်: “……အဲ့တော့၊ မင်းဆိုလိုတာက၊ တကယ်လို့များ ကျီယွီက မြေပြင်ပေါ်က အရိုက်ခံနေရတဲ့တစ်ယောက် ဖြစ်နေရင်ရော?”

ရှောင်ယွီက ပြုံး၍ ပြောလိုက်တယ်၊ “ဒါဆို ကျွန်မက ရှင့်ကို အရင်ဖြေရှင်းခိုင်းလိုက်မယ်၊ ပြီးမှ ကျွန်မ ဖြေရှင်းမယ်လေ၊ ပါးအရင်ရိုက်ပြီးမှ သကြားချောင်းပေးလိုက်ဆိုတဲ့ ဆိုရိုးစကားလိုပေါ့! အဲ့ဒါကို ဒီလိုခေါ်တယ် ~ တစ်ယောက်က နတ်လိုကျင့်ကြံပြီး တစ်ယောက်က မကောင်းဆိုးဝါးလို ကျင့်သုံးရတယ်တဲ့လေ။ ဟဟဟဟ……”

ကျီရွှမ်: “…….” သူ့နှလုံးသားထဲက ဗီလိန်လေးက တစ်ခဏအတွင်း ပျက်ဆီးသွားရတယ်။ကျီရွှမ်က သူမအပေါ် ခုလေးတင်ထားရှိခဲ့တဲ့ ကြည်ညိုလေးစားမှုလေးကို ဘောလုံးတစ်လုံးလို လုံးချေပြီး ချက်ချင်းဆိုသလို သူခေါင်းထဲကနေ ပစ်ထုတ်ပစ်လိုက်တော့တယ်။

“ဘာက အဲ့ဒီလောက် ရယ်စရာကောင်းနေလို့လဲ၊ ပါးစပ်ပိတ်ထားစမ်းပါ!ကြောင်သူတော်ရဲ့” ။ ကျီရွှမ်က ဆွံ့အသွားရတယ်။ အခုလေးတင် ပြုမူပြနေတဲ့ သူမက တစ်ကိုယ်ကောင်းမဆန်တတ်တာနှင့် ဖြောင့်မတ်ပြနေတာတွေအကုန်လုံးက အပေါ်ယံကြီးပဲ။

ရှောင်ယွီက သူ့ကို ငြင်းမနေဘဲ သူမဘာသာ နောက်ခုံပေါ်ကို တရွတ်တိုက်ဆွဲသွားပြီး သူ့ကို ဘီးတပ်ကုလားထိုင်နှင့် ချန်ထားခဲ့လိုက်တယ်။

ကျီရွှမ် : “……” ငါ့ကို  ငြင်းလေ။

“ဖေဖေ၊ ကြောင်သူတော်ဆိုတာ ဘာကြီးလဲ?” ရှောင်ရော့ကွမ်းက ကားထဲကို ဝင်ပြီးသွားချိန်မှာ ဘီးတပ်ကုလားထိုင်ကို ကားထဲထည့်နေတဲ့ ကျီရွှမ့်ကို မေးလိုက်တယ်။

ကျီရွှမ်က မော့မကြည့်ဘဲ ပြောလိုက်တယ်: “သားမေမေကို မေး”

ရှောင်ရော့ကွမ်းက ရှောင်ယွီကို လှည့်ကြည့်လိုက်တယ်။ ရှောင်ယွီက  ပြုံးပြီး ပြောပြတယ်၊ “ဥပမာပြောရရင်၊ သားဖေဖေက အခုမေမေ့ကို ဘီးတပ်ကုလားထိုင် ရွှေ့ဖို့ကူပေးပြီး မေမေ့ကို ထိရှခံစားသွားရတာမျိုး လုပ်နေတာဆိုပါတော့။ ဒါပေမဲ့ တကယ်ကျ သားဖေဖေက အဲ့လိုမလုပ်ချင်ဘူး၊ သူက မေမေကြောင့်ဒုက္ခဖြစ်ရတဲ့အတွက် မေမေ့ကို တိတ်တိတ်လေး ကျိန်ဆဲနေတာကွာ။ အဲ့ဒါကို ကြောင်သူတော်လို့ ခေါ်တာ!”