Unicode~
Chapter(15) သူမက သားဆရာမမှ မဟုတ်တာ
တိတ်ဆိတ်မှုက သုံးမိနစ်ခန့်မှ ရစ်ဝဲသွားတယ်။ ကျီယွီက မရေမရာ မေးတယ်: "မေမေ၊ ဒါက.....အဖြူရောင်မုသားလား?"
ရှောင်ယွီက သေချာရေရာမှုအပြည့်ဖြင့် ပြောတယ်: "ဟုတ်တာပေါ့!"
ကျီရွှမ်:"....."
အဲ့ဒီအချိန်မှစပြီး ကျီရွှမ်က သူ့တွေးခေါ်ပုံတွေက ကလေးတွေအတွက် ဖြောင့်မတ်လွန်အားကြီးနေလားဆိုပြီး စတင်သုံးသပ်တယ်။ သူက သူမလိုသာဆိုရင်.....ပိုပြီး လွယ်ကူသွားမလား?
"မေမေ၊ အဖြူရောင်မုသားဆိုတာက ဘာလဲ?" ရှောင်ရော့ကွမ်းက မျက်တောင်တစ်ဖျတ်ဖျတ်ခတ်၍ ရှောင်ယွီကို သူ့၏မျက်လုံးဝိုင်းကြီးများဖြင့် ကြည့်တယ်။
ကျီရွှမ်က အံ့ဩသွားတယ်။ သူဘယ်လို ဖြေရမလဲ?တကယ်လို့ သူ့ကို အဖြူရောင်မုသားက ဘာလဲဆိုတာ ပြောပြလိုက်ရင် သူတို့လိမ်နေတာ သူသိသွားလိမ့်မယ်၊ အဲ့ဒီအခါကျ သူက သေချာပေါက် အရမ်းဝမ်းနည်းသွားမှာပဲ။
ကျီရွှမ်က ရှောင်ရော့ကွမ်းကို ပြန်ကြည့်ပြီး အားတောင့်အားနာ စဉ်းစားကြည့်တယ်၊ သူ ဒီကာလဆိုးကို ဘယ်လိုပြောပြီး ကျော်လွှားရမလဲ?
ထို့နောက် ရှောင်ယွီက ရှောင်ရော့ကွမ်းကို အပြုံးလေးတစ်ပွင်ံဖြင့် ပြောနေသည်ကို သူကြားလိုက်တယ်။ "သား ကြီးလာရင် သိလိမ့်မယ်"
ရှောင်ရော့ကွမ်း၏မျက်လုံးများက ဝိုင်းစက်သွားတယ်: "ဒါက လူကြီးတွေပဲ သိနိုင်တာလား?"
ရှောင်ယွီက ခေါင်းညိတ်ပြပြီး ပြောတယ်။
"အင်း"
ကျီရွှမ်:"........"
ကြည့်ရတာ....တည့်ပြောတာကလည်း အလုပ်ဖြစ်တယ်လား?
ကျီယွီက ရှောင်ရော့ကွမ်းကို ကြည့်ပြီးနောက် ရှောင်ယွီကို မေးတယ်: "မေမေ၊ မေမေက သမီးကိုကျ အဖြူရောင်မုသားက ဘယ်လိုဟာဆိုတာပြောပြပြီး ဘာလို့သမီးမောင်လေးကိုကျ မပြောပြတာလဲ?"
ရှောင်ယွီက ကျီယွီကို ကြည့်ပြီး ပြောတယ်။ "အဲ့ဒါက သမီးက ကျောင်းတက်နေပြီး သူကမတက်ရသေးလို့ပေါ့"
ŞİMDİ OKUDUĞUN
ဗီလိန်လေးများ၏ မေမေဖြစ်လာရခြင်းအတွက် ရုန်းကန်ရမှုများ(Myanmar Translation )
RomantizmChapters-122chapters Genre-comedy,josei,romance,slice of life I do not own this story. All credits go to original author.
