ဗီလိန်လေးများ၏ မေမေဖြစ်လာရခြင်းအတွက် ရုန်းကန်ရမှုများ(Myanmar Translation )

Chapter(24)

Unicode~

(T.N: ကိုယ် ရှေ့အပိုင်းမှာတုန်းက သေချာမရေးလိုက်ရလို့ပါ၊ ကျီရွှမ့်ကို ရှောင်ယွီက ကလေးတွေကို ခေါ်ပြီး အပေါ်တက်ခိုင်းလိုက်တာပါ၊ အဲ့ဒါကြောင့်သာ ရီလန်ရာ့ကို ရှောင်ယွီက ပြန်လက်ထပ်ဖြစ်ရင်ဘာညာဆိုပြီး ရဲရဲကြီး ရွှီးရဲတာ)
***

Chapter(24) သမီး ပိုက်ဆံတွေကိုဖြုန်းနေတာလား?

ရီလန်ရာ့က စိတ်မပါဘဲပြုံး၍ ပြောတယ်၊ " ရှင်နှင့် မစ္စတာကျီမှာ ဒီလောက်ကောင်းတဲ့ဆက်ဆံရေးရှိမှန်း ကျွန်မ မသိခဲ့ဘူး"

ရှောင်ယွီက ချက်ချင်းပင် အံ့အားသင့်သည့်ပုံဖြင့် ပြောတယ်: "ဆရာမ မသိဘူးလား? ကျီရွှမ်က အပြင်မှာကျ သီးသန့်နေတတ်လို့ ဖြစ်ပါလိမ့်မယ်၊ သူက တကယ်တမ်း အိမ်မှာကျ အရမ်းတက်ကြွတာ"

ရီလန်ရာ့: "......"

ရှောင်ယွီက သူမမျက်နှာကို ရှက်ရွံ့စွာဖြင့် ကာလိုက်တယ်: "ဥပမာပြောရရင် သူက ကျွန်မခါးသေးသေးလေးကို သူ့လက်မောင်းတွေနှင့် ပွေ့ပြီး အနောက်ကနေဖက်ထားရတာကို ကြိုက်တယ်"

ရီလန်ရာ့က နောက်ဆုံးမှာတော့ ပြန်တိုက်ခိုက်ရန် အချက်တစ်ချက် ရသွားပြီး ပြောလိုက်တယ်: "သူက ရှင့်ကို ဒူးထောက်ရင်း ဖက်တာလား?"

ရှောင်ယွီ: "......ကျွန်မက အရင်တုန်းက အကြောင်းပြောနေတာပါ"
သေစမ်း၊ အလိမ်ပေါ်တော့မလို့။

"ဆရာမ၊ ခြေထောက်လေး ကြွပေးပါဦး" ခုန်းယွီချင်းက ကြမ်းပြင်ပေါ်တွင် ပြန့်ကျဲနေသည့် ဖန်ကွဲစများကို သန့်ရှင်းရန် အမှိုက်တောင်းယူလာပြီး သန့်ရှင်းရေးလုပ်နေစဉ်တွင် စကားပြောလာတယ်: "ဆရာမ၊အပြစ်ရှိသလို ခံစားမနေပါနဲ့၊ ဒါက ရေခွက်လေးတစ်လုံးပါပဲ၊ ကျွန်မတို့ ထပ်ဝယ်လို့ရပါတယ်"

ရီလန်ရာ့: "......."
သူမက အပြစ်ရှိတယ်လို့ ခံစားမနေပါဘူး၊ ဒါက ရေခွက်အကွဲလေး တစ်ခုပဲဟာကို.....

"အင်း၊ ဒါက သူဌေးကြိုက်တဲ့ဟာလေ။ မဟုတ်ရင် ဘယ်သူက ဖန်ခွက်လေးတစ်လုံးကို ငါးထောင် ခြောက်ထောင်လောက် ပေးဝယ်နေမှာလဲ! ဆရာမလည်း ဒီလိုပဲ ထင်တယ်မလား?" ခုန်းယွီချင်းက ထူးမခြားနားသည့်ပုံဖြင့် ပြော၍ အမှိုက်များကို ခေါင်းငုံ့ပြီး ရှင်းတယ်။