💙Make you mine🦋[ ចប់ ]

Episode 71 : ហ្គេម!

   បន្ទាប់ពីលួចសម្លឹងជុងហ្គុកអស់មួយសន្ទុះថេយ៉ុងក៏បែរមុខចេញទៅខាងក្រៅកញ្ចក់ឡានវិញ ពួកគេក៏ស្ងាត់រាងខ្លួនរហូតដល់ធ្វើដំណើរបានឆ្ងាយបន្តិចយ៉ុនហ្គីក៏ស្រាប់តែហៅជុងហ្គុក។

« លោកអ៊ុំយ៉ាងមិចហើយ? »Yoongiសួរឡើងទាំងភ្នែកផ្តោតលើការបើកបរដដែល នាយសួរព្រោះខ្លាចថាជុងហ្គុកមិនស្រួលខ្លួនខ្លាំងអីបែបហ្នឹងប៉ុន្តែជុងហ្គុកបែរជាមិនតបទៅវិញ ធ្វើអោយថេយ៉ុងដែលកំពុងសង្ងំមើលផ្លូវនោះបែរទៅមើលជុងហ្គុកបន្តិចទើបឃើញថានាយក្រាស់គេងលក់បាត់ទៅហើយ។

« គេគេងលក់បាត់ហើយ! »Taehyungប្រាប់យ៉ុនហ្គីវិញទាំងសម្តីសោះកក្រោះបន្ទាប់មកក៏បែរមុខចេញវិញ ចំណែកយ៉ុនហ្គីស្ងាត់បន្តិចមុននិយាយ។

« បន្ទាប់ពីឯងបានរត់ចោលគាត់យប់មិញ លោកអ៊ុំត្រូវបានបញ្ជូនចូលបន្ទប់សង្គ្រោះបន្ទាន់ម្តងទៀតព្រោះត្រូវរហែកថ្នេរដែលទើបតែដេររួចត្រូវការឈាមពីរកំប្លោកឯណ្ណោះ ហើយពេលនេះគាត់ក៏លួចរត់ចេញពីពេទ្យមកទាំងប្រថុយជីវិតដើម្បីទៅអង្វរឯង.! ខ្ញុំនិយាយនេះគ្រាន់តែចង់អោយឯងយកទៅគិត »Yoongiប្រាប់ថេយ៉ុងទាំងមុខស្មើរព្រោះនាយទ្រាំមើលមិនបានទេ។

« ... »Taehyungក្រោយពីឮយ៉ុនហ្គីនិយាយបែបនេះនាយមិនតបអ្វីឡើយប៉ុន្តែក៏ងាកទៅមើលជុងហ្គុកទាំងទឹកមុខបារម្ភបន្តិចដែរ ហើយគេក៏ចាំបានថាមុននេះគេបានលើកដៃរុញចំរបួសរបស់ជុងហ្គុកខ្លាំងថែមទៀត មិនដឹងថានាយឈឺយ៉ាងណាទេប៉ុន្តែនាយបែរជាមិនថ្អូញថាឈឺសូម្បីមួយម៉ាត់។

Taehyungលូកដៃសន្សឹមៗបំណងចង់បើកអាវពេទ្យរបស់ជុងហ្គុកមើលមុខរបួសព្រោះឃើញមានឈាមប្រឡាក់ជាប់អាវតិចៗប៉ុន្តែនាយក៏ត្រូវរហ័សដកដៃចេញវិញយ៉ាងលឿននូវពេលដែលឃើញជុងហ្គុកបម្រាសខ្លួនមមើរតិចៗ។

« ហឹម~ »Jungkookក្រហឹមឡើងតិចៗជ្រួញជញ្ជើមចូលគ្នាទាំងបិទភ្នែកហើយក៏លើកដៃខ្ទប់ទ្រូងខ្លួនឯងមើលទៅប្រហែលជាកំពុងឈឺទើបដល់ថ្នាក់គេងលក់ហើយក៏មមើរខ្ទប់ទ្រូងបែបនេះ។

Taehyungឃើញបែបនេះនាយមិនមាត់ហើយក៏ងាកមុខចេញទៅ ឡានក៏បន្តទៅខាងមុខរហូតមកដល់ខាងមុខវិមានMin គ្រាន់តែមកដល់ភ្លាមថេយ៉ុងក៏ចុះពីលើឡានដើរត្រុយចូលវិមានបាត់ធ្វើមិនដឹងដោយទុកអោយយ៉ុនហ្គីជាអ្នកដាស់ជុងហ្គុក។