U & Z
ရိပေါ်နိုးလာတော့ ဦးက စာကြည့်စားပွဲမှာ laptopကိုကြည့်၍ အလုပ်လုပ်နေပုံရသည်။
ကုတင်ဘေး ခုံပေါ်က နာရီကို ကြည့်မိတော့ နေလည် ဆယ့်တစ်နာရီထိုးနေပြီ ဖြစ်သည်။
အကြောတွေဆန့်လို ကုန်းထဖို့လုပ်တော့
"အ...။"
ညည်းသံကြားလို့ ရှောင်ကျန့် ကုတင်ဘက်လှည့်ကြည့်မိတော့
ဘေဘီက နိုးနေပြီ။ ဆေးတိုက်၊ ဆေးလူးလုပ်ပေးထားပေမယ့်
နာတော့နာနေလိမ့်မည်။ ကုတင်ဘက်ထသွားလို့ ဘေဘီဘေး တင်မလွဲဝင်ထိုင်မိသည်။ နဖူးပေါ်လက်တင်လို့ စမ်းသပ်ကြည့်တော့ ပုံမှန်ဖြစ်နေမှ ရှောင်ကျန့် သက်ပြင်းချနိင်သည်။
ရှောင်ကျန့်လုပ်သမျှကို မျက်လုံးအဝိုင်းသားနဲ့ကြည့်ကာ ဘေဘီက ငြိမ်နေသည်။ရှောင်ကျန့် နဖူးပေါ်က လက်ကိုဖယ်တော့ ဘေဘီက ပြန်ဆွဲယူကာ သူ့ပါးပြင်ပေါ် လက်ကိုထိစေလို့ ကြောင်ပေါက်လေးလို ချွဲလာသည်။
"ဘေဘီ.... သက်သာလား ကိုယ့် ကလေးလေး။ အရမ်းနာနေလား။ ကိုယ်ဆရာဝန်ခေါ်ပေးဖို့ လိုသေးလား"
"အင်း...နည်းနည်းနာနေသေးတယ် ဦး။ ဆရာဝန်တော့ မခေါ်ချင်ဘူး ။ဦး ပြုစုပေးရင် မြန်မြန်သက်သာမှာ ဘေဘီက။"
"ဒါပေါ့ ကိုယ်ကပြုစုပေးချင်လွန်းလို့ အိပ်ပျော်နေတဲ့ ဘေဘီကို စောင့်နေရတာ။ ရေအရင်ချိုးချင်လား။ ကိုယ်ဆန်ပြုတ် ပြုတ်ခိုင်းထားတယ်။"
"အင်း...ရေအရင်ချိုးမယ်....။"
ရိပေါ် ရေချိုးခန်းထဲကပြန်ထွက်လာတော့ ကုတင်ပေါ်မှာ
ရိပေါ်ဝတ်ဖို့ အဝတ်တွေကို ဦးက အဆင်သင့် ချပေးထားသည်။ အခန်းထဲ ဝှေ့ကြည့်လို့ ဦးကိုရှာမိတော့
ဦးက ဝရံတာမှာ ဖုန်းပြောနေသည်။
ရှောင်ကျန့် ဝရံတာကနေ အခန်းဘက်ကြည့်မိတော့ ဘေဘီက အဝတ်တွေတောင်ဝတ်ပြီးနေပြီ။ hoodie ပန်းရောင်လေး ဝတ်ထားတဲ့ဘေဘီက သူ့သူငယ်ချင်းနဲ့ viedo call ပြောနေပုံပင်။
Oops! This image does not follow our content guidelines. To continue publishing, please remove it or upload a different image.
