💚❤️ TARGET ❤️💚 ( yizhan ff ) Complete ..

අවසානයක්....❤️💚

💚❤️ TARGET ❤️💚 ...............

" ආන්ටි...... පොඩ්ඩක් රිලැක්ස් වෙන්න..."

යීබෝ ඇයව තම පියා අසලින්ම වාඩිකරවා ජාන්ගේ අතින් අල්ලාගෙන ඇය අසලට ආවේය ...

" ආන්ටි දන්නවද ඔයාගේ හස්බනුයි මෙයාගේ අතර මොන වගේ සම්බන්ධයක් ද තිබුනේ කියලා ....."

යීබෝ ජාන්ව පෙන්නමි ඇයගෙන් ඇසුවේය ..

" බිස්නස් ........."

" ඔව් ආන්ටි දන්නේ එයා ඔයාගේ හස්බන්ගෙ බිස්නස් පාට්නර් කෙනෙක් කියලා විතරයි නේ .... එහෙනම් මීට අවුරුදු පහළොවකට විස්සකට විතර කලින් එයාලගේ මෙයාගේ අතර තිබුණු සම්බන්ධය මම විස්තර කරන්නම් ................................................"

යීබෝ ඉතා සන්සුන්ව ජාන්ගේ අත අතින් අත නොහැරම ජාන් ඔහුට පවසා තිබුණු සහ ඔහු දන්නා සියලුම තොරතුරු ඇය හා පැවසුවේය ... මේ සියල්ල සිදුවන තුරු ජාන් හිස බිමට පහත් කරගෙන සිටියේය ..... කතාව අවසන් විය ... ආලින්දය පුරා පැතිරී ගියේ අල්පෙනෙත්තක් බිම වැටුණත් ශබ්දය ඇසෙන තරම් නිහඬතාවයකි .... කිසිවක් කිසිවෙක් කතා කළේ නැත .... අවසානයේ දී වන්ග් ගේ සොයුරිය ඇගේ හඬ අවදි කළේය ....

" මිසිස් ෂියාඕ කියන්නෙ මගෙත් හොදම හිතවතියක්..... කවුරුහරි අමානුෂික ලෙස ඝාතනය කරලා කියල විතරයි මට ආරංචි වුණේ .... මම එතනින් එහාට කිසිම දෙයක් දන්නෙ නෑ ....මට දැන් තේරෙනවා මම මෙච්චර කාලයක් ඉඳලා තියෙන්නේ රැවටිලා කියලා .... මට දැන් මේ දරුවාගේ මුහුණ බලන්නත් ලැජ්ජයි .... මම හිතුවේ අපේ බිස්නස් මේ දරුවාට ඕනේ හින්දා එයා මගෙ හස්බන්ව දැන දැන අමාරුවේ දැම්මා කියලයි......"

ඇයගේ හඩෙහි ඇත්තේ පසුතැවීමකි.... ජීනායි පවා මේ මොහොතේ අසරණ ලෙසින් බලා සිටියා විනා වචනයක් වත් කීවේ නැත..

" සිද්ධ වුණ හැම දේටම මම සමාව ඉල්ලනවා ... මම දන්න තරමින් මගේ ඔලුවට විස පුරවල තියෙන්නෙ වෙන කවුරුත් නෙමෙයි මගේ මහත්තයා මයි ..... ඔයාට කැමති විදියකට එයාගෙන් පළිගන්න .... මම මගේ නමට තියෙන දේපළ හැම එකක්ම විකුණලා දුවත් එක්ක කොහේ හරි ගිහින් ජීවත් වෙනවා ....."

ඇය අවසානයේ කීවේය ....

" එහෙම අවශ්‍ය නෑ ....ඔයා ඔයාගේ දේවල් විකුනන්න ඕනේ නැහැ ...එහෙම කොහේ හරි ගිහින් ජීවත් වෙනවා කියන එක නෙමෙයි ප්‍රශ්න වලට විසඳුම කියන්නෙ.... දරුවත් එක්ක එකතු වෙලා ඔයාගේ දේවල් රැකගන්න ....අපි පුළුවන් විදිහට උදව් කරන්නම් ....."