💚❤️ TARGET ❤️💚 ( yizhan ff ) Complete ..

දාහතරවෙනි ඉලක්කය ... ❓

💚❤️ TARGET ❤️💚 ...

" යීබෝ මට මේක පැහැදිලි කරලා හිටපං....."

ෂූයෑන්ග් දැං ඔය වාක්‍ය ඛන්ඩය කියූ හතරවෙනි අවස්ථාවයි .. නමුත් යීබෝ ඒ කිසිවකට සවන් දෙන්නේ නැතිව කාර්‍ය බහුල වී සිටියේය ..... කාර්‍ය බහුල නැත එලෙස මවා පාමින් සිටියේය ..

" අඩෝ....."

අවසානයේ ෂූයෑන්ග් යීබෝගෙ මේසය අසලට පැමිණ කෑගැසුවේය ..

" මොකද බං.... ඔෆිස් එකට ආපු වෙලාවෙ ඉදලා මගුලක් අහනවා ...උඹ මගෙ ඇසිස්ටන් ද මොකාද නේද... ඉතින් වාඩිවෙලා වැඩක් කරපං....."

ෂූයෑන්ග් ව තව ටිකක් අවුස්සාගැනීමට සිතූ යීබෝ කීවේය ...

"පල යන්න පාප මිත්‍රයා ... උඹ එහෙනම් එහෙමයි නේ.... ඔන්න ඉතින් හදිස්සියේ පායපු දේදුන්නක් නිසා බොක්කෙ යාලුවටත් කොලේ වහනවා.... කමක් නෑ මචං ..."

ෂූයෑන්ග් ඒ ටිකනම් කියා දැම්මේ වේදනාවෙන් පිරුණු හඩකිනි... ඔහු හැරී යන්නට යද්දි යීබෝ ඔහුව නවතා මේසය මතින් වාඩිකරවා කතාව පටන්ගත්තේය ...

" මචං ...මට උඹට කියන්න දිග කතාවක් තියෙනවා ..හැබැයි ඒ කතාවේ කොටස් කිහිපයක් තාම අඩුයි.... මට අද දවස දීපං .. සමහරවිට අද රෑ එහෙම නැත්තං හෙට මම උඹට මේ කතාව මුල ඉඳලා අගට කියනවා ... මම මේ කතා කරන්නේ සීරියස් ....අනික මගේ ජීවිතේ උඹට කියලා නැති දෙයක් නෑනේ ... අද වෙනකන් මට උඹට කියන්න දෙයක් තිබුණෙ නෑ ... ඒත් දැන් එතන ලස්සන කතාවක් තියෙනවා .... මට උඹගෙ උදව් ඕනේ .... අද දවස ඉවසපං ... ඒක හින්දා ඔය ටැප් එක වහගෙන උඹේ වැඩක් දැන් කරගනින්... "

ෂූයෑන්ග් තවමත් සිටින්නේ විශාල කරගත් දෙනෙත් වලින්ය... ඔහුගේ මුව වසා ගන්නටත් ඔහුට අමතක වී ඇත ...

" ඒ කියන්නේ මොකක් හරි තියෙනවා ..."

අවසානයේ ෂූයෑන්ග් ඇසුවේය ...

" මම දැන් උඹට උබට හොද වචනවලින් කියලා දුන්නා ..දැන් උඹට ඕනේ ඊළඟට සංස්කෘත වලින්ද ..." ( චීන සංස්කෘත හොදේ 😊)

යීබෝ තරමක් උස් හඬින් පැවසූ විට ෂූයෑන්ග් ඔහුගේ ආසනයට ගොස් වැඩ පටන් ගත්තේය ....

*******************
පාදයෙ වේදනාවත් සමඟම කාර්ය බහුල වී සිටී ජාන්ට දහවල් එකට පමණ ඇමතුමක් ආවේය ..