Obsessive Love

Kabanata 4

Olivia's POV

Mabilis!

Daig pa ang fast and furious sa sobrang bilis. Hindi ko alam kung ano ang dapat na sabihin ko sa kanya nang mga oras na iyon. Biruin mo, ako pa ang nahiya saming dalawa. Bakit? Ako ba ang nag confess? Pero kasi nakakatawa, wala pang isang buwan. Wala pa. Ang bilis naman yata.

Ito ba yung sinasabi nila na kapag sobrang bilis ng isang tao'ng dumating sa buhay mo ay ganon rin sya kabilis na mawawala sayo?

OA naman, Olivia.

"Aray.." malakas na daing ko ng batukan ako ni Yaena.

"Kanina ka pa kasi tulala." Masungit na sabi nya.

"Deserve." Ani naman ni avery. Mga punyawa. Tapos na pala yung klase namin pero wala man lang pumasok sa utak ko.

Paulit ulit kasing nagre-replay yung nangyari kagabi. Bakit ang bilis kasi? Inaasahan ko naman yun no, malamang. Kahit hindi nya sabihin, sa mga ipinadadala nya para na syang manliligaw ko.

Manliligaw? Babae? Babae ang manliligaw ko?

Hindi naman ako homophobic, hindi rin ako bisexual lalo na ang lesbian pero may mga girl crush ako.

Pero.....

Pero kasi...

Pero punyeta naiiyak ako. Alam kong maganda ako, pero bakit ako? Bakit ako?? Bakit???

"Pwede ko bang itanong yun sa kanya?"

"Ha? Alin? Anong itatanong? Sinong tatanungin?" Hindi ko alam na napalakas pala yung pagkakasabi ko. Bumuntong hininga ako bago naunang lumabas ng classroom.

May dalawang subject pa bago matapos ang schedule ko. Dalawa pa, kaya ko ito.

Ang bagal ng oras sa totoo lang. Gusto ko ng pumasok ng café, gustong gusto ko na.

Why?

Natigilan ako at napatulala sa whiteboard. Bakit nga ba? Bakit ako excited na pumasok sa café? Ano bang meron dun? Kape? Cakes? Si Ms. Arigato?

Si dela Vega.

"Hala.." malakas na saad ko. Lahat ng mata ay napunta sa'kin. Pati na ang professor namin natigil sa pagdi-discuss.

"H-hala akala ko may daga..." Pahina ng pahina ang boses ko dahil sa kahihiyan. Nang matapos kami ay tawang tawa sina Avery, ipina recite ba naman sakin ni prof yung rules nya during her discussion. Jusko ka, buti na lang kahit papaano ay may utak rin naman ako.

"Ayan, day dream pa teh. Kakahiya ka."

"Sino ba kasing iniisip mo?"

"In love ka na ba?"

"Baka inlove sa pera." Sininghalan ko si Ave

"Hoy grabe ka naman, ganon na ba ako kamukhang pera?"

"Oo."

"Tse.." kinuha ko na lang ang gamit ko at walang paalam na tinakbo mula sa building namin palabas ng L.I.S.

Pinagtitinginan pa nga ako ng mga student na nadadaanan ko.

Paki nila, nag mamadali ako. Ayokong ma late ng pasok sa café kasi baka bungangaan na naman ako ni Ms. Arigato.

Sure ka yun lang?

Ay hala weh? Kinakausap ko na rin ba sarili ko ngayon?

Hingal na hingal ako ng makalabas at agad na pinara ang unang jeep na dumaan. Mabilis lang naman akong nakarating sa café.

"Ang aga." Si kuya Andoy. Nginisihan ko lang sya, hindi sapat ang oras na iginugol ko sa jeep para mabawi ang lakas ko mula sa pag takbo.

Ang layo kaya nun.