Unicode
"F**k မလို့ လိုက်ကာကိုဖွင့်တာလား ဝူယောင်း!"
"လူထချိန်မလို့လေ!"
အသံနဲ့အတူ လူဆီကို လှမ်းပစ်ပြီးကြမ်းပြင်ပေါ် ကျသွားတဲ့ ခေါင်းအုံးကို ကောက်ယူရင်း ထိုအရိုင်းအစိုင်းရဲ့ ကုတင်ရှေ့ထိ လျှောက်ကာ ခြေစုံရပ်လျက် ခပ်တင်းတင်းပြန်ဖြေလိုက်သည်။
အစကတော့ ကောင်းကောင်းမွန်မွန်ပြောဖို့ပါပဲ၊ သို့ပေမယ့် ဒီလူက အေးဆေးပြောဖို့ မတန်။
"အင့်!"
မျက်နှာသို့ ကျရောက်လာသော ခပ်စူးစူးနေရောင်ကြောင့် အတင်းဖိမှိတ်ထားလည်းမရတော့တာမို့ လိုက်ကာကို ဖွင့်သည့်ဝူယောင်းအား ခေါင်းအုံးဖြင့် ပစ်လိုက်သည်။သို့ပေမယ့် ဒေါသံစွတ်နေပေမယ့် ကြည်လင်လှတဲ့အသံနဲ့အတူ နှာခေါင်းဝသို့ လာရိုက်သော ပေါင်ဒါနံ့သင်းသင်းကြောင့် ထိုသူသည် ဝူယောင်းမဟုတ်မှန်းသိလိုက်သည်။ထိုအခါ အသံလာရာဘက်ကို လက်ဖြင့် လှမ်းဆွဲချရင်း ကိုယ်ကိုတစ်ပတ်လှိမ့်ကာ အနံ့ပိုင်ရှင်အား အုပ်မိုးလိုက်ပြီး...
"ခင်ဗျားက ဘာမို့လို့ ကျုပ်ကိုပြန်ပြောရဲတာလဲ?"
သူ့အောက်ရောက်နေတဲ့သူက အလန့်တကြား သူ့ရင်ဘက်အား လက်နှစ်ဖက်ဖြင့်တွန်းကန်ပြီး သူ့ကိုလည်း ဒေါသမျက်လုံးနဲ့ မီးပွင့်မတက်စိုက်ကြည့်နေပြန်ပြီ။
ဟက်! ကြောက်စရာပဲ!
ဒါမဲ့ ဘယ်လိုလုပ်မလဲ ကင်မ်ထယ်ယောင်းမှာ အကြောက်တရားက မွေးကတည်းက မပါလာဘူး!
"အရင်ဖယ်!"
ဟာ! ဒီလူတကယ့်လူပဲ!
မေးနေတာကို မဖြေဘဲ သူ့ကိုများ လာအမိန့်ပေးနေပြန်ပြီ။သူကလည်း ခပ်ရွဲ့ရွဲ့လူစားမျိုး မလုပ်နဲ့ဆို ပိုလုပ်ချင်သည်လေ။
၈လက်မလောက်သာ ကွာဝေးတဲ့အနေထားကနေ ၃လက်မသာကွာတော့သော အခြေအနေထိ မျက်နှာနှစ်ခုကို တိုးကပ်ပစ်လိုက်သည်။
အောက်ကလူရဲ့ ဝင်လေထွက်လေတွေက သူ့မျက်နှာအနှံ့ခပ်နွေးနွေးထိတွေ့နေပြီး သူ့ရဲ့ အသက်ရှူငွေ့ကလည်း ထိုနည်းလည်းကောင်းဆိုတာ အသေအချာပင်။
ထိုအခါမှ အနီးကပ်မြင်လိုက်ရတဲ့ သူရဲ့အညို
ရောင်မျက်လုံးဝိုင်းတစ်စုံ!
မနေ့ညက တစ်ညလုံးသူ့ကို ဒုက္ခပေးနေတဲ့ အရာ!
သိပ်လှပါသည် ၊ သမုဒ္ဒရာရဲ့အနက်ဆုံးအပိုင်းထိရောက်သွားသလိုမျိုး ကြယ်တာရာအစုအဝေးထဲရောက်သွားသလိုမျိုးဖြင့် ထိုမျက်ဝန်းက တလက်လက်နဲ့တောက်ပကာ နက်ရှိုင်းလွန်းသည်။
ထို့အပြင် အဖုအပိတ်မရှိ ဖြူနုနေတဲ့ မျက်နှာဝိုင်းဝိုင်းလေးက နှာတံလုံးလုံးဖြင့် ကလေးရုပ်ပေါက်နေပြန်သည်။ဆံပင်ကိုလည်း ponytail စည်းထားပြီး သူ့မျက်နှာလှကြောင်း တမင်ပြနေတာ!
ပြီးတော့ အမြင်ကပ်စရာ နှုတ်ခမ်းပါး..ယောက်ျားလေးတစ်ယောက်ရဲ့ နှုတ်ခမ်းက အဲ့လောက်နီပြီး စိုရဲနေစရာလိုသလား?
ဟက်! နှုတ်ခမ်းနီဆိုးထားတာဘဲဖြစ်မှာ!
ထို့ပြင် ထိုနှုတ်ခမ်းပါးအောက်က မှဲ့ကလည်း စောက်သည်းယားစရာပဲ!
ဟားး! ဒီလူ သူ့ဆီလာပြီး မြူစွယ်နေတာလား ?
YOU ARE READING
I Love U More ( Taekook ) ( Completed )
FanfictionUnicode & Zawgyi Top - Taehyung Bottom - Jungkook Start date - 5.2.2022 End date - 18.8.2022 #Nectarine #I don't own photos that contain in this fic.
