Unicode
"ငါ့ပစ္စည်းတွေ ဘာလို့ရွှေ့ရတာလဲ ကင်မ်ထယ်ယောင်း!"
"....."
"မင်းစိတ်ကြိုက် ငါ့ကိုမပြောဘဲ လုပ်တာမဟုတ်ဘူးနော်!"
လူကနုံးနေသည်မို့ ရေမိုးချိုးပြီးတာနဲ့ ထမင်းပင်မစားနိုင်တော့ဘဲ ဂျောင်ကုအိပ်ပျော်သွားသည်။တကျစ်ကျစ်အသံတွေကြောင့် နိုးလာတော့ အိမ်အကူကောင်မလေးတွေက သူ့ပစ္စည်းတွေကိုရွှေ့နေသည်မို့ မေးကြည့်တော့
" အစ်ကိုလေး ခိုင်းလို့ပါ " တဲ့လေ။ဒီအရိုင်းအစိုင်း လူကိုမပြောမဆိုနဲ့ သူစိတ်ကြိုက်ကိုလုပ်နေသည်။
ဘာမှစဉ်းစားမနေတော့ဘဲ အရိုင်းအစိုင်းအခန်းဆီသွားကာ မေးလိုက်ပေမယ့် အရေးမလုပ်ဘဲ လက်ကနာရီကိုသာ ငုံ့ပတ်နေသည်။
ဒီအရိုင်းအစိုင်း လူကိုဘာထင်နေလဲ ?
ဂျောင်ကု အံကိုခပ်တင်းတင်းကြိတ်ကာ အခန်းဝဆီမှ ကုတင်ကြီးနားရှိ အရိုင်းအစိုင်းရှေ့အထိ လျှောက်လာလိုက်ကာ...
"ငါ ပြောနေတယ်လေ ! "
"ကျုပ်နဲ့အတူနေဖို့ ! "
"ကျစ်! လက်မထပ်ခင်အထိ ငါ့ဘာသာ အေးဆေးနေချင်တယ် ကင်မ်ထယ်ယောင်း! မင်း အဲ့လောက်တော့ နားလည်ပေးရင်ကောင်းမယ် !"
စိတ်အတော်ရှုပ်မိသည်။လူက အခြေအနေသိပ်မဟန်တာရော စိတ်ခံစားချက်က ဟိုးအောက်ဆုံးရောက်နေတာကြောင့်ပါ သူ့မှာ ဒီအရိုင်းအစိုင်းနဲ့ရန်ဖက်မဖြစ်ချင်ပါ။ကျစ်တစ်ချက်သပ်ရင်း ကိုယ့်ရဲ့လိုရင်းသာဆိုလိုက်သည်။လူကို မရမကယူလို့ပင်အားမရနိုင်သေး။နေရာတကာလိုက်ချုပ်ချယ်နေတော့တာဖြစ်သည်။သူတို့က ခုထိလက်ထပ်ရေးတာမဟုတ်။
"နားလည်မပေးနိုင်ဘူး! ရှင်းရှင်းပြောရရင် ခင်ဗျားကို ကျုပ်စိတ်မချဘူး!"
သူစိတ်မချလို့လုပ်တာ မှန်သည်။
ဘယ်သူကရော ကိုယ်နဲ့ယူမယ့်သူနဲ့ သူ့ရည်းစားဟောင်းနဲ့အတူရှိနေတဲ့အိမ်မှာ ပျော်ပျော်ကြီးထားရမှာတဲ့လဲ။
အဲ့လိုထားရအောင် ကင်မ်ထယ်ယောင်းက မေတ္တာရှင်ကြီးမှ မဟုတ်တာ..!
ပြီးတော့ သူမနေနိုင်ဘူး။
ဒီလူ့ကို တစ်ခါလောက်ရင်ခွင်တည်းထည့်အိပ်ပြီးကတည်းက သူထိုအရသာကို စွဲစွဲလမ်းလမ်းနှစ်ခြိုက်မိသွားတာ။ဒီလူ့ရဲ့ ခပ်အနွေးနွေးကိုယ်လုံးငယ်လေး သူ့ရင်ခွင်ထဲမှာရှိနေတာကို သူကြိုက်သည်။ဒီလူ့ရဲ့ ခါးသိမ်သိမ်လေးထက် သူ့လက်ဖဝါးကြီးဖြင့် အုပ်မိုးထားတာကို သူကြိုက်သည်။
YOU ARE READING
I Love U More ( Taekook ) ( Completed )
FanfictionUnicode & Zawgyi Top - Taehyung Bottom - Jungkook Start date - 5.2.2022 End date - 18.8.2022 #Nectarine #I don't own photos that contain in this fic.
