Unicode
ဘီယာဘူးခွံတွေက ဟိုတစ်ပုံ ဒီတစ်ပုံနဲ့ဆေးလိပ်ငွေ့တွေက ဧည့်ခန်းတစ်ခုလုံးမွှန်ထူနေသည့်အဓိကတရားခံမှာ ကင်မ်ထယ်ယောင်းပင်ဖြစ်သည်။ဘယ်လောက်သောက်သောက် ရင်ထဲကဝေဒနာတွေဟာ လျော့မသွားဘဲ ပိုတိုးလာသလို ရှူထုတ်လိုက်တဲ့အငွေ့တွေထဲမှာလည်း ပါမသွားပြန်ဘူး။
ညနေကတည်းက ဆုံနေကျအိမ်မှာရောက်လာပြီး တောက်လျှောက်သောက်နေခဲ့တာဖြစ်သည်။ခုထိလည်း သောက်နေဆဲပင်။ရင်ဖွင့်စရာဆိုလို ဂျီမင်တို့သာရှိတာကြောင့် ဖြစ်သမျှကိုပြောပြပြီးပြီမို့ ဇာတ်ရည်လည်းအတော်လည်နေပြီဖြစ်သည်။ဒီကောင်ကြီးက သွေးပူနေတုန်းမို့ နားချကြည့်ပေမယ့်လည်း အရာမရောက်သေးပါ။
"ဟေ့ရောင် မင်း မပြန်သေးဘူးလား ?"
"ဒီည တစ်ညလုံးသောက်မှာ !"
"ထယ်ယောင်း ! အဲ့လို ရှောင်မနေစမ်းပါနဲ့ကွာ ! မင်း ပြတ်ပြတ်သားသား လုပ်ရမှာပေါ့ ! ရင်ဆိုင်ရမှာကွ !"
ဟုတ်သည်။ဒီကောင်ကြီးစိတ်ထဲ ဘာတွေတွေးနေလဲသေချာမသိပေမယ့် ဒီကိစ္စက အခုလိုရှောင်နေလို့မှမရတာ။ဘာမှမသိသေးတဲ့အစ်ကိုဂျောင်ကုဆိုထားအုံး။အခု ဒီကောင်ကြီးက ဖြစ်နေတာ။
ကင်မ်ထယ်မင်ရဲ့အကြောင်းလည်း သိနေကြတာပဲလေ..ဒီလူက ဒီလိုမြင်လို့ တမင်လုပ်ခဲ့တဲ့ကို သိရက်နဲ့ အရမ်းကြီးခံစားနေတာကိုက ခက်တာဖြစ်သည်။
ဂျီမင်က ပြောတော့ ဟိုဆော့ကလည်း မှိုင်နေတဲ့ ထယ်ယောင်းရဲ့ပုခုံးက တစ်ချက်ပုတ်လိုက်ကာ...
"ဟုတ်တယ် ထယ်ယောင်း ! အစ်ကိုဂျောင်ကုက မင်းကို ချစ်တာသိနေတာပဲကွာ ! တွေဝေမနေပါနဲ့!"
ဒုန်း..!
ဟိုဆော့စကားဆုံးတော့ ထယ်ယောင်းက စားပွဲခုံကြီးအား ခပ်ကြမ်းကြမ်းထုချလိုက်သည်။
ပေါက်ကွဲထွက်တော့မယ်။အချစ်ဦးအတွက်နဲ့ ချစ်ပါတယ်လို့ဝန်ခံထားတဲ့သူ့ကို တွန်းထုတ်လိုက်တာလေ။ထယ်ယောင်းမခံစားသင့်ဘူးလား။အဲ့ကတည်းက အဖြေကရှင်းရှင်းလေး။ဒီလူ့ကို သူ့ထက်ပိုချစ်နေတာ။ချစ်နေတုန်းဆိုတာ ထယ်ယောင်းသိသည်။
YOU ARE READING
I Love U More ( Taekook ) ( Completed )
FanfictionUnicode & Zawgyi Top - Taehyung Bottom - Jungkook Start date - 5.2.2022 End date - 18.8.2022 #Nectarine #I don't own photos that contain in this fic.
