It Might Be You

34

"Eresel, pwede bang pumunta ka doon sa Go Holdings?"

Back to work na kami ngayon mula sa day off. Ngayon, andito ako sa office ni Ma'am Precy at inuutusan na pumunta sa kompanya nina Enzo. Kailan niya kaya ako malulubayan?

"Sure po, Ma'am. Ano po ba ang gagawin ko doon?" tanong ko. Inilahad naman niya sa akin ang isang clipboard na maraming laman na papeles.

"Contract signing para sa participation ni Architect Go sa pag-build ng mga warehouse natin."

Contract signing? Shouldn't that be a fancy gathering? Bakit ako lang ang maghahatid nito?

"If you're wondering why we aren't planning anything fancy, it's his team's decision. Busy daw kasi si Architect, pinilit lang nga na maisingit ang contract signing na 'yan."

So that explains it. Agad naman na akong tumango at pumunta sa desk ko, para ayusin ang mga gamit ko.

Nag-book na lang ako ng sasakyan para makarating sa kompanya nila. Ngayon pa lang ako nakakapunta rito. Nakakapaniago, parang dati lang kompanya ni Dad ang binibisita ko, ngayon sa ibang tao na tapos dinarayo ko pa para may ipapirma.

Minsan napapaisip din ako, kung maaga pa lang sana napigilan ko na si Daddy sa mga ginagawa niya. Hindi kaya ganito ang buhay ko ngayon? Kasama ko pa rin kaya sina Mommy at Ate? Kompleto pa rin kaya kami?

"Good morning, Ma'am. May I know if you've scheduled a meeting?" bati sa akin ng receptionist.

"Hi, I'm Eresel Alcantara from Moon Cafe Corporation. I am schedule to have a contract signing with Architect Go." May chineck muna siya doon sa computer bago ako iginiya sa elevator. "This way, Ma'am. 15th floor po. Thank you!"

Pagkalabas ko ng elevator, tumambad agad sa akin ang isa ulit na receptionist. Pakiramdam ko'y sekretarya na niya ito. Isang office lang naman ang laman ng floor, pero sobrang laki nito. Who would have thought na makikipagtrabaho din siya sa Tito niya. I remember how he used to loathe him.

"Good morning! Are you Ms. Alcantara?" tanong ng sekretarya. Tumango naman ako at ngumiti.

"Kindly wait here for a moment, Ma'am. May video conference po kasi si Architect kasama ang asawa niya."

Oh, Gillian's here. Are they business partners too? As far as I know, Interior Designer si Gillian, so their job compliments each other. That's nice.

Habang naghihintay, naramdaman ko na nag-vibrate ang phone ko. Agad ko naman chineck kung sino iyon.

From: Clay

Nasaan ka, master? Sunduin kita.

To: Clay
Andito ako sa Go Holdings. Text ako kapag magpapasundo ako.

From: Clay
Okay, boss.

"Oh, Eresel. Contract signing?" tanong ni Gillian pagkalabas niya mula sa opisina ni Enzo.

"Good morning, Mrs. Go. Opo, tapos na po ba si Architect?" tanong ko at inihanda na ang mga papeles.

"He'll be ready in a minute." Maya-maya lang ay binuksan na ng sekretarya ni Enzo ang pintuan. Malaking pintuan iyon, kaya panigurado malawak din ang opisina.