It Might Be You

03

"We'll have a family picture by the stairs before going to the event, bilisan na ninyo dyan!"

Isang sigaw lang ni Mommy ay sabay na kaming lumabas ng kwarto ni Mama. Nandoon na sila ni Dad sa may hagdanan at inaayusan na ng nararapat na angles para sa picture.

"Halika dito 'nak," tawag sa'kin ni Daddy. Ako ang nasa kaliwa niya habang sila ni Mommy ang nasa gitna at nasa kabilang gilid naman si Ate Alie.

"Perfect family," komento ng photographer. Maya-maya ay natapos rin ang photoshoot. Kailangan pa ata iyon i-post sa social media para makita nilang attend kami sa isang charity gathering.

Hindi ko alam kung bakit kailangan pang maghiwalay kami ng sasakyan ni ate kina Mommy. Nasa isang luxury sedan kami ni Ate at nauna naman ang limousine nina Mommy at Daddy.

"Nga pala, Air. Clayton sent a chat last night, nagtatanong kung safe ba tayong nakauwi. The guy is nice 'no?" pagkukwento ni Ate. "Sa tingin mo, alam niya ang background natin?"

Lumaki na kaming ganito. We started doubting other people's motives especially that Dad has a position in the government. Ganito rin kasi ang turo sa'min, 'wag magtiwala kung kani-kanino. Kaya siguro wala talaga kaming mga kaibigan.

"I guess not, Ate. Ramdam ko naman 'yong pagiging genuine niya towards us." Nakita kong tumango-tango si Ate. "I agree."

Pagkalabas namin sa sasakyan ay tumambad sa'min ang media. Kanya-kanyang picture at video ang ginawa nila. Mayroong pang nag-balak mag-interview kay Daddy kaya natagalan kami.

"Girls, be elegant, okay? Smile if you need to. Greet someone back if they greet you. At kapag pinatawag namin, sumunod agad. Remember, you're carrying your Dad's reputation," paalala ni Mommy.

Kadalasan kasi nagiging busy sila pakikipag-usap sa ibang politiko, bisita at malalaking tao na present tuwing gathering. Hindi na kami nababantayan, tatawagin na lang kapag gusto kaming ipakilala ni Ate.

"Long time no see, Eresel and Ernalie!" bati sa'min ni Isabelle. Siya naman ang anak ni Mayor Israel dito sa Napan.

Tinatawag kami ni Isabelle by our first names, kasi ang tanging mga ka-close lang namin ang nakakaalam talaga sa nickname namin. Acquaintances lang namin siya dahil madalas din silang pumunta sa ganitong event.

"Good to see you, Isabelle," bati ni Ate Alie. Ngumiti lang ako sa kanya. She looks gorgeous on her pink and gold tube dress.

"Have you met, Gillian Sanchez?" turo niya sa kasamang babae. Nag-offer na kamay ang babaeng kasama niya. "Hi, I'm Gillian Sanchez," ani niya. "She's Congressman Gilbert Sanchez's daughter," sambit ni Isabelle.

"Nice to meet you, Gillian. I'm Eresel Serene Alcantara," pagpapakilala ko. "Hi. And you're Ernalie Serene Alcantara, right?" tanong niya pagkabaling kay ate. "Ah, yeah. Nice to meet you."

"I've heard a lot about you two. I hope we can be friends," ngumiti sa'min si Gillian. Maganda siya, sexy at matangkad pa. Pwede siyang pumasa as model. Mukhang kasing edad ni Ate Alie ang isang 'to.

"Girl, I heard Enzo's here. Should we introduce ourselves?" bulong ni Isabelle kay Gillian pero narinig ko pa rin. "Let's go," tugon naman nito.

Enzo? Enzo what? Raiden Lorenzo Go? You've got to be kidding me! Hindi niya pwedeng malaman na isa ako Alcantara. I mean..hindi niya pwedeng malaman na anak ako ni Elliot Alcantara!