🌾العروبي و عروسة الريح 🌾
💄الخنساء 💄قلبات ليه راسو تا قال فخاطرو آش داني لشي زواج..
ما صدق تهنا من صداعها حتى وصلو لعند الراجل المقصود..
هبطو عندو و تسالمو مع بعضهم..
بعدها طلع الراجل فلوطو ديالو صغيرة و على قد لحال لمهيم هازا ليه رجليه..تبعوه حتى وصلهم للدار عند عائلتو..
داو لعيالات وجدان..
كايزنزنو عند راسها بالشلحة و هي كي لمصمكة.. ما قشعات والو..
ما عرفاتهم كايعايروها ولا كايشكروها..حتى دخلات واحد لمرة باقا صغيرة..
كانت زوجة الراجل لي جابهم..
و بحالها بحال راجلها عندهم مع لعربية..
جراتها من وسط لعيالات:آجي.. أختي رتاحي ليك شوية..
وجدان شدات فيها اللهم هي و لا هادو:سيري الله يرضي عليك أ ختي..
ما عرفت شكايقولو هادو.. ربي لما شرحي ليا.. ياك بعدا ماشي شي حاجة خايبة؟المراة:ههه.. لا لا.. غي كايرحبو بيك وي سولو منين نتي.. ماشي شي حاجة..
جراتها لواحد الصالة مفرشة غي بزريبيات تقليدين.. و مخيدات قلال على لحيط.. مع طبيلة دلعود وسط لغرفة..
كان بوبكر جالس مع راجلها و قدامهم لبراد داتاي..
مع خبز تقليدي دلبلاد..
و زيت الزيتون ريحتو مجهدة..قربات جلسات حداهم.. كاتصنت ليهم.. و هوما كايداكرو على أوضاع لبلاد و لمعيشة كيف غادة..
مرة مرة فاش كاتهز راسها كاتلقا شي ولد صغير كايطلو من لباب.. وي رجعو يتخباو.. ملي كاتحصلهم..
ضحكوها.. تاولات كاتلعب معاهم كاش كاش..
و بشوية بشوية..
بداو كايزعمو وي قربو عندهم..حتى رجعو جالسين حداهم..
كايدويو معاها بالشلحة و هي غي كاتبتاسم.. كادير ليهم غي لإيشارات..و معاهم واحد لبنية.. دايرا صايا كحلة فيها شوشات باللوان مع واحد السبنية فيها لوينات و زغيبات طايحين على وجهها..
كانت فنيييونة لوجه بيض و لحنيكات مطيبزين..
كانت كاتشوف فيد وجدان..
مركزة مع حركاتها..حنات وجدان يديها لعينيها لقاتها كاتشوف فلي گورميط لي دايرا..
حنات شنايفها.. عندها حوايجها عزاز.. و لكن عزو عليها شوفات ديك لبنية..
خصوصاً أنها شافت حالتهم على قد الحال..
و أغلبهم دايرين أكسيسوارات غي دلعقيق..نفخات على هاد لمحنة لي جاتها.. و بقاو عينيها على لبنت..
بوبكر:وجدان.. يله.. هادا لوقت
هزات راسها كان بوبكر واقف مع الراجل..
أنت تقرأ
العروبي و عروس الريح
Romance🦈حصرياً على بحر الروكانات 🦈 #العروبي_و_عروسة_الريح كيف الزيت و الماء و الشمس و القمر و كيف النهار و الليل و أكيد كيف السماء والأرض أبطالنا بفك...