العروبي و عروس الريح

الجزء 26

🌾العروبي و عروسة الريح 🌾
💄الخنساء 💄

بانت ليه غادا خارجا..
و زرب رجليه باش يلحق عليها...

لي داز من حداه.. كايدير فيه نظرات شفقة..
كأنهم عارفين شكايتسناه من تعب و إرهاق..

وصل عليها كايلهت.. :بلاتي.. وصاني سي طه نوصلك.. تفضلي..

كان كاينعت ليها بيدو ل لوطو د طه.. و عينيه فالتين كايشوف فوجهها..
أقل ما يقال عليها جمالها تركي فتان..
عينيها بوحدهم يحكيو قصة..

رجع وقف باستقامة بعدما تنفس..
عينيه مزال عليها..
كايتسناها دير خطوة نحو لوطو لي نعت ليها..

رجاء كادور فعويناتها لي مجموعة فيهم ضبابة دالدموع..
فهماتو شنو قال واخا دوا بلمغربية..

شافت فيه شوية.. و تبسمات مقربة عندو..

صدماتو و جرات ليه يدو.. جرات  منها الساروت..

حمزة تالف.. كلام طه كايدور فراسو خافها تهرب كيف قال:شنو كاديري... صبري..

شدات رجاء بلاصتها حاطا ساكها عند رجليها..
قربات لكرسي شوية..
و تسنات..
غي طلع حمزة لي ما لقاش حل آخر و هي تكسيري..

حمزة طول الطريق كايشوف و صاقل..
تقريباً جايا لجوج سيمانات باش جلس هنا..
و فيهم تعلم يجمع فمو عندو..

وقفات قدام مركز تجاري..
مخلية لوطو وسط الشارع و نزلات..

حمزة:آ هاديك.. فين غادا؟

خلاتو واحل ما عرف يتبعها ولا يحيد لوطو من الطريق.

ناض من بلاصتو نقز لبلاصت السائق..

حيدها شوية من الطريق و رجع نزل مخليها..
محطوطة عوجة..

دور عينيه بانت ليه غااادا بعيييدة عليه وصلات للطابق لول..
كون ما زاج.. كان مايشوفهاش..

حمزة:شهاد السرعة عند هاد لبنت.. ؟

رجاء كادخل و تخرج من متجر للي حداه..
كاتهز و تحط بلاما تقيص..
لي لقاتها كاتهزها..

حمزة غي كايشوف داخل سوق راسو.. ما صدق قدر يتبعها.. كاطير كثر من النعامة..

ما بقا حمزة لاقي فين يهز داكشي لي بين يديه..
عاد كل مرة كايزيد يتقل..
كايتسناها غي إيمتا تسالي شغلها..

رجاء كادير كلشي بصمت..
عينيها بشوية بشوية بدات كاطير منهم ديك الضبابة..

آخر محل ليهم كان ديال لوليدات الصغار..

بقات واقفا حدا الزاج حاطا يديها و كاتفرج..

وقف حداها حمزة بعد ما بزز وصل عليها.. تريكوه لصق عليه بلعرق..

رجاء كاتشوف فدوك المجسمات دلوليدات صغار  و نزلات دمعة من عينيها..

حمزة كايشوف فالدمعة نازلة.. خايف يسولها.. :راك بيخير؟