العروبي و عروس الريح

الجزء 25

🌾العروبي و عروسة الريح 🌾
💄الخنساء 💄

و مزال لالة وجدان كاتشخر..

طل عليها بوبكر هاز فيديه كاس داتاي..

كانت دايرا لمخدة على راسها.. و محيدا لغطا عليها..

بوبكر :وجدان..
وجدااان..

بقا كايسايس معاها و هي ناعسة..

بوبكر:وا نوضي بعدا غي تمشي تعشاي..

وجدان تحت نيفها:بعد منييييي..

بوبكر :ياك نبعد.. واخا سري..
يله الله يعاون..

ناض من حداها.. ملي ما لقا جواب..

خرج فاتجاه أقرب ريسطو..
يله يوصل مع وقت لعشا..

دخل كايدور عينيه فلمطعم..
كايبان ليه بنادم جالس مجمع.. شي كايدوي ..
شي كا يضحك..
و الدراري الصغار كايجريو..
مخلين واليديهم تابعينهم..

شاف فالطبسيل لي قدامو.. ما جاتوش لماكلة بلا بيها..
واخا كاتوحلها ليه.. ولف صداعها...

شير لواحد العامل..

العامل:نعام أ سيدي..

بوبكر :جمع ليا حتى هادشي...
غانديه معايا

العامل بانصياع : واخا..

هز العامل داكشي غادي باش يوجد ليه شنو بغا..

و بقا بوبكر جالس كايخمم..

عند وجدان..

ضرباتها لفيقة و ناضت كاتجبد.. عظامها مدقدقين عليها بالنعاس فلرض...

وجدان:أخخ.. ظهري.. إيمتا يعفو عليا الله من هاد النعاس فلرض..

ضارت فالدار كاتقلب بعينيها..
و فراسها ديك يله تمشي تعشاي..

وجدان بقلق و نوع من الحسرة:يكون زعما مشا بلا بيا..

طاحت الظلمة..

و تحل الباب باش يدخل بوبكر..
هاز فيديه ساشيات فيهم عشاهم بجوج..

داخل كايقلب عليها.. كان الصقيييل و الظلمة فالدار..

بوبكر:آوه هادي مزال ناعسة؟
عنداك غي تكون مريضة؟

حط داكشي لي فيديه بالزربة فلكوزينة..
و مشا يطل عليها..

شعل الضو فلبيت لقا لبلاصة لي كانت فيها خاوية كاتصفر..

بوبكر كايدور فراسو:وجداان..
وجداان

داز للدوش ما لقاهاش..
عاود رجع كايدور فالدار وي عاود..
دخل معاه الشك و الخوف..

بوبكر:لا زعما خرجات.. و فين عندها تمشي..
هادي باغا تخرج ليا لعقل ما فيهاش..

هز سوارتو و عاود حل لباب كايدور فنواحي الدار..

كايقلب فالشوارع..
و الناس باقين غادين جايين.. ما كايبانش ليه مزيان..